Laşa Talaxadze

Laşa Talaxadze
Laşa Talaxadze
	gürc. ლაშა ტალახაძე
Şəxsi məlumatlar
Vətəndaşlığı	Gürcüstan
Doğum tarixi	2 oktyabr 1993 (30 yaş)
Doğum yeri	Saçxere , Gürcüstan
Boyu	1.97 sm
Çəkisi	157 kq
İdman növü	Ağır atletika
Ağırlıq dərəcəsi	+ 105 kq
Medallar
	Olimpiya Oyunları
	Dünya Çempionatı
	Avropa Çempionatı

Laşa Talaxadze (gürc. ლაშა ტალახაძე; 2 oktyabr 1993) — 109 kq-dan yuxarı çəki dərəcəsində yarışan gürcüstanlı ağırlıqqaldıran. İkiqat Olimpiya, altıqat dünya və yeddiqat Avropa çempionu.

Karyerası

2010-cu ildə beynəlxalq arenada debüt edib. Öz idman karyerası ərzində 105 kq-dan yuxarı çəki dərəcəsində çıxış edib.

2013-cü il oktyabrın 17-də yeniyetmələr arasında ağır atletika üzrə Avropa çempionatında qadağan olunmuş preparatlar qəbul etdiyinə görə cəzalandırılmışdır. Cəzası 17 oktyabr 2015-ci ildə başa çatıb.

2015-ci ildə ABŞ-nin Hyuston şəhərində keçirilən ağırlıqqaldırma üzrə dünya çempionatında qızıl medal qazanıb. O, birdən qaldırmanı 207, təkanla qaldırmanı isə 247 kq-lıq nəticə ilə başa vurub. Bununla da o, yekunda 454 kiloqramlıq göstəriciyə nail olub.^[1]

2016-cı ildə Norveçin Forde şəhərində təşkil edilən ağırlıq qaldırma üzrǝ Avropa Çempionatında qızıl medal qazanıb. O, birdən qaldırma hərəkətində 212 kq, təkanla qaldırma hərəkətində isə 251 kq-ı başı üzərinə qaldırıb. Toplamda 463 kq nəticə göstərən Laşa Talaxadze, həm birdən, həm də təkanla qaldırmada bütün rəqiblərinin qabaqlayaraq qızıl medal əldə edib.^[2]

Laşa Talaxadze 2016-cı ildə Braziliyanın Rio-de-Janeyro şəhərində keçirilmiş XXXI Yay Olimpiya Oyunlarında rekorda imza atıb. O, birdən qaldırma hərəkətində 215 kq, təkanla qaldırmada isə 258 kq-ın öhdəsindən gəlib. Ümumilikdə 473 kq qaldıran Talaxadze qızıl medal qazanıb və dünya rekordunu yeniləyib.^[3]^[4]^[5]

2017-ci ildə Xorvatiyanın Split şəhərində keçirilən ağırlıqqaldırma üzrə Avropa çempionatında iştirak edən Laşa Talaxadze birdən qaldırmada 217 kq, təkanla 250 kq və iki hərəkətin cəminə görə 467 kq qaldıraraq qızıl medala sahib olmuşdur.^[6]

Əsas nəticələri

İl	Məkan	Çəki	Birdən (kq)				Təkanla (kq)				Ümumi	Sıra
İl	Məkan	Çəki	1	2	3	Sıra	1	2	3	Sıra	Ümumi	Sıra
Olimpiya Oyunları
2016	Rio-de-Janeyro, Braziliya	+105 kg	205	210	215	2	242	247	258	1	473	1 !
Dünya Çempionatı
2010	Antalya, Türkiyə	+105 kg	157	~~162~~	162	27	~~180~~	~~180~~	--	--	--	--
2011	Paris, Fransa	+105 kg	175	180	~~187~~	16	207	207	--	25	387	20
2015	Hyuston, ABŞ	+105 kg	~~200~~	200	207	1 !	238	~~247~~	247	2 !	454	1 !
Avropa Çempionatı
2016	Forde, Norveç	+105 kg	200	207	212	1 !	235	241	251	1 !	463	1 !
2017	Split, Xorvatiya	+105 kg	203	210	217	1 !	238	245	250	1 !	467	1 !
Yeniyetmələr arasında dünya çempionatı
2013	Lima, Peru	+105 kg	185	190	~~195~~	1 !	217	221	--	1 !	411	1 !
U23 Avropa çempionatı
2016	Eilat, İsrail	+105 kg	193	200	205	1 !	222	235	--	1 !	440	1 !
Yeniyetmələr arasında Avropa çempionatı
2011	Buxarest, Rumıniya	+105 kg	175	180	185	1 !	205	212	217	1 !	402	1 !
2012	Eilat, İsrail	+105 kg	175	183	190	3 !	205	222	~~232~~	3 !	412	3 !
Gənclər arasında Avropa çempionatı
2010	Valensiya, İspaniya	+94 kg	150	155	158	1 !	175	182	187	1 !	345	1 !