Kloi Moriondo
Kloi Moriondo (ing. Chloe Moriondo; 29 sentyabr 2002, Detroyt, Miçiqan)[1][2][3] — amerikalı müğənni-mahnı yazarı və YouTuber. O, indi-pop, bedrum pop və hiperpop üslublu mahnıları ilə tanınır. Kloinin 2014-cü ilin yanvarında açdığı YouTube kanalı hal-hazırda 3 milyondan çox abunəçiyə və 200 milyondan çox baxışa sahibdir.
| Kloi Moriondo | |
|---|---|
.jpg) | |
| Ümumi məlumatlar | |
| Doğum tarixi | 29 sentyabr 2002 (21 yaş) |
| Doğum yeri | |
| Vətəndaşlığı | |
| Musiqiçi məlumatları | |
| Fəaliyyəti | müğənni-mahnı yazarı, YouTuber, televiziya prodüseri[d], videobloger[d], müğənni |
| Fəaliyyət illəri | 2014-cü ildən |
| Janrlar | indi-pop, bedrum pop[d], indi-rok |
| Musiqi aləti | ukulele |
| chloemoriondo.com | |
 Vikianbarda əlaqəli mediafayllar | |
Həyatı
Kloi Moriondo Miçiqan ştatının Detroyt şəhərində doğulub-böyüyüb.
Karyerası
Kloi "Rabbit Hearted" adlı ilk studiya albomunu 31 iyul 2018-ci ildə yayımlayıb.[4][5] O, ilk mini-albomu "Spirit Orb"u isə 24 aprel 2020-ci ildə çıxarıb. Kloi 2020-ci ilin may ayında Fueled by Ramen ilə müqavilə bağlamış və "I Want to Be with You" mahnısını buraxmışdır.[6]
O, ikinci studiya albomu "Blood Bunny"ni "I Want to Be with You" və "Girl on TV" sinqlları ilə bərabər buraxıb. Kloi 2021-ci ildə "Jimmy Kimmel Live"da "Blood Bunny" albomundan "Bodybag" mahnısını canlı olaraq ifa edib. Həmçinin o, "James Corden ilə The Late Late Show"-da "I Want to Be with You" mahnısını da oxumuşdur.[7][8]
Kloi "puppy luv" adlı ikinci mini-albomunu 2022-ci ilin aprelində yayımlayıb. O, "Blood Bunny" albomunun delüks versiyasını 2022-ci ilin iyununda buraxıb. Kloi 2022-ci ilin mayından iyununa qədər mxmtoon-un rising (the tour) konsert turunda iştirak etmişdir. O, "SUCKERPUNCH" adlı üçüncü albomunu 2022-ci ilin oktyabrında yayımlayıb. O, 12 oktyabr 2022-ci ildən 19 noyabr 2022-ci ilə qədər ABŞ və Kanadada canlı çıxışlar edib. O, 8 dekabr tarixində Birləşmiş Krallıq və Avropa turlarını ləğv etdini elan etmişdir. [9]
Kloi 10 fevral 2023-cü ildə Pierce the Veil qrupunun yeni çıxan albomu "The Jaws of Life"dakı "12 Fractures" trekində qonaq ifaçı kimi yer alıb.
Şəxsi həyatı
Kloi Moriondo özünü non-binar kimi hesab edir, o, həm də 2021-ci ilin iyun ayında özünü sadəcə bir qız kimi tanıdığını da deyib.[10][11][12] O, she/her və they/them pronounslarından istifadə edir və cinsiyyətini açıqlamır. Kloi 2021-ci ilin sentyabrında Twitter izləyicilərinə artıq özünü lezbiyan hesab etmədiyini bildirib.[13]
Diskoqrafiya
Albomlar
- Rabbit Hearted. (2018)
- Blood Bunny (2021)
- SUCKERPUNCH (2022)
Mini-albomlar
- Spirit Orb (2020)
- blood bunny (acoustic) (2021)
- puppy luv (2022)