Kilimancaro Milli Parkı
Kilimancaro Milli Parkı — Tanzaniyanın Kilimancaro regionunda, ekvatordan 300 kilometr (190 mil) cənubda yerləşən milli park.[1] Park Moşi şəhərinin yaxınlığında yerləşir.[2] Parka Kilimancaro dağının bütün meşə zolağı və 1,820 metr (5,970 ft) yuxarıdakı montan meşə kəməri daxildir.[1][2] Kilimancaro Milli Parkı 1 688 kvadrat kilometr ərazini əhatə edir. Park Tanzaniya Milli Parklar Təşkilatı (ing. Tanzania National Parks Authority (TANAPA))) tərəfindən idarə olunur.[3]
| Kilimancaro Milli Parkı | |
|---|---|
 | |
BTMB kateqoriyası — II (Milli park).svg){kind=logo} | |
| Sahəsi |
|
| Yaradılma tarixi | 1973 |
| Yerləşməsi | |
| 3°04′ c. e. 37°22′ ş. u. | |
| Ölkə | |
| tanzaniaparks.com/kilima… | |
| Rəsmi adı | Kilimanjaro National Park |
| Tipi | Təbii |
| Kriteriya | vii |
| Tarixi | 1987 (11-ci sessiya) |
| İstinad nöm. | 403 |
| Ölkə |  Tanzaniya |
| Region | Afrika |
 Vikianbarda əlaqəli mediafayllar | |
Park 2013-cü ildə 51 milyon ABŞ dolları gəlir əldə etdi.[4]:285 Park bununla Tanzaniya milli parkları arasında ikinci[5]:258 və 2012-2013-cü illər ərzində büdcəyə gəlir gətirən yalnız iki Tanzaniya milli parkından biri idi.[6] TNPA, 2012-2013 turizm ilində parkda 58.460 turistin qeyd etdiyini, bunlardan 54.584 nəfərinin xarici olduğunu bildirdi.[6]
Tarix
XX əsrin əvvəllərində Kilimancaro dağı və ona bitişik meşələr Alman müstəmləkə hökuməti tərəfindən ov ərazisi elan edildi.[2] 1921-ci ildə ərazi meşə qoruğu təyin edildi.[2] 1973-cü ildə isə meşə zolağının üzərindəki dağ (təxminən 2,700 metr (8,900 ft)) milli park olaraq təsnif edildi.[1] Park 1987-ci ildə Birləşmiş Millətlər Təşkilatının Təhsil, Elm və Mədəniyyət Təşkilatı tərəfindən Ümumdünya irsi elan edilmişdir.[2] 2005-ci ildə park Kilimancaro Meşə Qoruğunun bir hissəsi olan bütün montan meşəsini əhatə etmək üçün genişləndirildi.[1][2]
Fauna
Parkda müxtəlif heyvanlar tapıla bilər. Meşə zolağından yuxarıda Kilimancaro ağac damanı, kolluq dukeri və gəmiricilərə tez-tez rast gəlinir.[2] Meşə zolağında Buşbok və cephalophus spadix görünür.[2] Montan meşəsində və bəzən rütubətli və ya otlaq ərazilərdə Afrika kəlləri yaşayır.[2] Fillərə Namvay və Tarakya çayları arasında rats gəlinə bilər və bəzən daha yüksək hündürlüklərdə də olurlar.[2] Montan meşələrində mavi meymunlar, ağ-qara kolobuslar, qalaqolar və bəbirlərə rast gəlmək olar.[2]
.JPG){kind=link}