Jores Alfyorov

Jores Alfyorov
rus. Жоре́с Ива́нович Алфёров belar. Жарэ́с Іва́навіч Алфёраў
Doğum tarixi	15 mart 1930(1930-03-15)[2][3][…]
Doğum yeri	Vitebsk, Belorusiya SSR, SSRİ[2]
Vəfat tarixi	1 mart 2019(2019-03-01)[4][5][…] (88 yaşında)
Vəfat yeri	Sankt-Peterburq, Rusiya
Vəfat səbəbi	hipertensial böhran
Elm sahələri	yarımkeçiricilər fizikası[d], fizika[1], yarımkeçirici[1], siyasət[1]
Elmi dərəcələri	fizika-riyaziyyat elmləri doktoru[6], texnika elmləri namizədi
Elmi adları	REA-nın akademikləri[d], professor[d]
İş yerləri	Rusiya Elmlər Akademiyası, Sankt Peterburq Akademik Universiteti[d]
Təhsili	Sankt-Peterburq Universitetinin Fizika və Riyaziyyat fakültəsi[d] (–1952)
Üzvlüyü	ABŞ Milli Elmlər Akademiyası (1990–), Rusiya Elmlər Akademiyası, SSRİ Elmlər Akademiyası, Moldova Elmlər Akademiyası, Ukrayna Milli Elmlər Akademiyası, Polşa Elmlər Akademiyası[d], QDR Elmlər Akademiyası[d]
Mükafatları
Vikianbarda əlaqəli mediafayllar

Jores İvanoviç Alfyorov (15 mart 1930^[2][3][…], Vitebsk^[2] – 1 mart 2019^[4][5][…], Sankt-Peterburq) — Fizika üzrə Nobel mükafatı laureatı, Yarımkeçiricilər fizikası, yarımkeçiricilər və kvant elektronikası sahəsi üzrə mütəxəssis.

15 mart 1930-cu ildə Vitebsk şəhərində anadan olmuşdur.

1952-ci ildə V.İ.Ulyanov (Lenin) adına Leninqrad Elektrotexnika İnstitutunu bitirmişdir. Əmək fəaliyyətinə 1953-cü ildə SSRİ EA A.F.İoffe adına Fiziki-texnika institutunda mühəndis kimi başlamışdır. 1953-cü ildən 1964-cü ilə kimi kiçik elmi işçi, 1964-1967-ci illərdə baş elmi işçi kimi çalışmışdır. 1967-1973-cü illər ərzində – sektor müdiri, 1973-1990-cı illər ərzində – laboratoriya müdiri, 1987-ci ildən həmin institutun direktoru olmuşdur. 1989-cu ildən 1991-ci ilədək SSRİ EA Leninqrad Elmi mərkəzinin RH-ın sədri, 1991-ci ildən indiyə qədər REA Sankt-Peterburq Elmi mərkəzinin RH-ın sədri, 25 aprel 1990-cı ildən isə REA-nın vitse-prezidentidir. 28 noyabr 1972-ci ildən ümumi fizika və astronomiya (fizika) Bölməsi üzrə müxbir üzv, 15 mart 1979-cu ildən ümumi fizika və astronomiya (fizika, astronomiya) Bölməsi üzrə akademik seçilmişdir. Yarımkeçiricilər, heterokeçid və onların əsasında cihazların yaradılması sahəsindəki əməyinə görə Lenin mükafatına (1972) və SSRİ Dövlət mükafatına (1984) layiq görülmüşdür. 2000-ci ildə o, yarımkeçiricilər fizikası, yarımkeçiricilər və kvant elektronikası sahəsindəki nailiyyətlərinə görə Fizika üzrə Nobel mükafatına layiq görülmüşdür.

Jores İvanoviç Alfyorov 2004-cü ildə AMEA-nın fəxri xarici üzvü seçilmişdir.^[7]

Jores Alfyorov 1 mart 2019-cu ildə 88 yaşında vəfat edib.

• Əliquliyev R.M., Salmanova P.M. İnformasiya cəmiyyəti: maraqlı xronoloji faktlar. Bakı: “İnformasiya Texnologiyaları” nəşriyyatı, 2013, 169 səh.