Joan Miro
Joan Miro (tam adı Joan Miró i Ferrà; 20 aprel 1893[2][3][…], Barselona[2][4][…] – 25 dekabr 1983[3][5][…], Palma-de-Malyorka[6][7][…]) — ispan rəssamı, heykəltaraş və keramikaçı. Əsərlərinin saxlanıldığı Joan Miro Fondu 1975-ci ildə doğulduğu Barselona şəhərində və digər bir muzey olan Joan Miro İsri Fondu 1981-ci ildə ömrünün əksər hissəsini keçirdiyi Palma şəhərində inşa edilib.
| Joan Miro | |
|---|---|
| isp. Joan Miró i Ferrà | |
 Joan Mironun Karl Van Vexten tərəfindən çəkilmiş portreti, 1935-ci il, 13 iyun, Barselona. | |
| Doğum tarixi | |
| Doğum yeri | Barselona, Kataloniya, İspaniya |
| Vəfat tarixi | (90 yaşında) |
| Vəfat yeri | Palma, Malyorka, İspaniya. |
| Dəfn yeri | |
| Milliyyəti | ispan |
| Vətəndaşlığı |  İspaniya |
| Fəaliyyəti | rəssam, litoqraf, keramikaçı, heykəltaraş, poçt markası dizayneri[d], dizayner, səhnə dizayneri, qrafika ustası[d], vizual incəsənət rəssamı |
| Janrlar | rəssam, heykəltaraş, divar rəssamlığı, keramikaçı |
| Stillər | sürrealizm, dadaizm, fərdi, eksperimental |
| Üzvlüyü | |
| Mükafatları |       |
 | |
 Vikianbarda əlaqəli mediafayllar | |
Beynəlxalq olaraq tanındıqdan sonra onun əsərləri Sürrealizmin nümunələri olaraq qəbul edildi. 1930-cu ildən sonrakı bir çox intervyularda Miro burjua cəmiyyətini dəstəkləyən ənənəvi rəsm metodlarını açıq şəkildə tənqid etdi və tanınmış rəsm əsərlərinin vizual elementlərini yenidən qurmaq üçün məşhur “rəssamlığın sui-qəsdi”-ni elan etdi.[8]
Həyatı
Zərgər və saat ustasının ailəsində anadan olan Miro Barselonanın yaxınlığında Qot dairəsində anadan olmuşdur.[9] Miro adının kökü qədim yəhudilərə gedib çıxır.[10][11] Onun atası Mikel Miro Adresias və anası Dolors Ferra idi.[12] O, ilk dəfə rəssamlığa 7 yaşında olarkən özəl məktəbdə başlamışdır. Xaricdə olan kubist və sürrealist sərgilərdən ilhamlanaraq Miro Monparnasda incəsənət cəmiyyətinə qoşuldu və 1920-ci ildə Parisə köçdü, lakin buna baxmayaraq yay aylarını Kataloniyada keçirməyə davam etdi.[9]
Karyerası
Miro incəsənət məktəbi ilə birlikdə biznes məktəbinə də getmişdir. o, yeniyetmə olarkən kargüzar kimi iş karyerasına başladı, lakin sinir probləmləri ilə rastlaşdıqdan sonra biznes dünyasını tamamilə tərk edərək incəsənətə başladı.[13] İlkin rəssamlıq karyerası Barselonada nümayiş edilən Fovizm və Kubizm cərəyanlarından təsirlənmişdir. Mironun əsərlərini tədqiq edən alimlər onun əsərlərinin avanqard üslubunu yazdığı dövrünü Katalan Fovist dövrü adlandırdılar.[14]
Əsərlərin satışı
Bu gün Mironun rəsm əsərlərinin qiyməti 250 000 və 26 milyon dollar arasında dəyişir; 2008-ci ilin may ayının 6-da bir auksionda “Ulduzların ehtirası” (La Caresse des étoiles) əsərinin qiyməti 17 milyon dollar müəyyənləşdirilmişdir.[15]
Qalereya
"Les Fusains"
Barselona, Ramblada mozaika
Reyna Sofiya Muzeyinin xarici görünüşü
Hakvan açıq-hava muzeyi
Grande Maternite
Joan Miro Fondunda saxlanılan bir heykəl
.jpg)
.JPG){kind=link}