Dəniz Aytəkin
Dəniz Aytəkin (alm. Deniz Aytekin; 21 iyul 1978, Nürnberq, Qərbi Almaniya) — Almaniya Futbol İttifaqının türk əsilli hakimi.[2]
 | |||
| Doğum | 21.07.1978 Nürnberq, Qərbi Almaniya[1] | ||
|---|---|---|---|
| Digər peşəsi | İşgüzar inzibatçılıq ustadı | ||
| Yerli səviyyədə | |||
| İllər | Liqa | Rolu | |
| 2004– | AFF | Hakim | |
| 2006– | 2. Bundesliqa | Hakim | |
| 2008– | Bundesliqa | Hakim | |
| Beynəlxalq səviyyədə | |||
| İllər | Liqa | Rolu | |
| 2011– | FİFA dərəcəli hakim | Hakim | |
Hakimlik karyerası
Dəniz Aytəkin Bavariya Futbol Assosiasiyasının hakimidir. Hakimlik karyerasına 1995-ci ildə başlayıb.[3] 2011-ci ildən FİFA referisidir.[3][4] 2014-cü ildə UEFA-nın ən üst kateqoriyası olan UEFA Elit Hakim Kateqoriyasına yüksəlib.[5]
Almaniya Bundesliqası çərçivəsində idarə etdiyi ilk oyun, 27 sentyabr 2008-ci ildə keçirilmiş "Herta Berlin" - "Enerji Kotbus" matçı olub. Qarşılaşma qonaqların 1:0 hesablı qələbəsi ilə nəticələnib. Aytəkin bu görüşdə 4 futbolçuya sarı vərəqə göstərib.
1 aprel 2011-ci ildə Almaniya Bundesliqasının 29 turu çərçivəsində keçirilən "Sant-Pauli" - "Şalke 04" oyunu 89-cu dəqiqədə Dəniz Aytəkin tərəfindən yarımçıq dayandırılıb.[6] Buna səbəb matçın son dəqiqələrində tribunadan atılan bir pivə şüşəsinin yan xətt hakiminə tuş gəlməsi olub.[6] Aytəkin dərhal həmkarının yanına gedib və onunla söhbətdən sonra matçın 89-cu dəqiqəsində oyunun yarımçıq saxlanması haqda qərar verib. Həmin vaxt hesab 2:0 "Şalke 04"ün xeyrinə olub.[6]
Şəxsi həyatı
Dəniz Aytəkin 1.97 sm boya malikdir.[7] Bavariya vilayətinin Oberasbax şəhərində yaşayır.[8] İxtisasca iqtisadçıdır.[9]
.JPG){kind=link}