Cəmiyyət və Din (qəzet)

"Cəmiyyət və Din" qəzeti
Növ	İctimai qəzet
Təsisçi	Dini Qurumlarla İş üzrə Dövlət Komitəsi
Baş redaktor	Sadiq Mirzəyev (yanvar 2014-cü ildən)
Yaranma tarixi	7 may 2009
Dil	Azərbaycan dili
Qiymət	40 qəpik
Səhifə	8 (10 yanvar 2013-cü ilədək) 16 (10 yanvar 2013-cü ildən)
Ünvan	AZ 1001, Bakı şəhəri, Əhməd Cavad küçəsi 12.
Tiraj	3000
scwra.gov.az

"Cəmiyyət və din" qəzeti — Azərbaycanda nəşr olunan həftəlik qəzet. Azərbaycan Respublikasında dini qurumların dövlət qeydiyyatı haqqında məlumat "Cəmiyyət və din" qəzetində dərc edilir.^[1]

Dini Qurumlarla İş üzrə Dövlət Komitəsinin təsis etdiyi "Cəmiyyət və din" qəzetinin ilk nömrəsi 7 may 2009-cu il tarixində çapdan çıxmışdır. Respublikamızda dövlət-din münasibətlərini tənzimləyən hüquqi bazanın təbliğində, müxtəlif din və mədəniyyət mənsubları arasında qarşılıqlı anlaşmanın və dini-etnik dözümlük prinsiplərinin qorunub saxlanılmasında, inam və imanla bağlı cəmiyyətdaxili sosial-siyasi dəyərlərin işıqlandırılmasında mətbu sözdən layiqincə istifadə etmək qəzetin əsas qayəsidir.

Qəzet Azərbaycan Respublikası Ədliyyə Nazirliyində 2894 nömrəli Qeydiyyat Şəhadətnaməsi ilə 19 mart 2009-cu ildə qeydiyyatdan keçmişdir.

10-16 yanvar 2013-cü il tarixli 187-ci sayından etibarən yeni formatda işıq üzü görür və 16 səhifədən ibarətdir.

• Sadiq Mirzəyev (baş redaktor)
• Şeyxülislam Allahşükür Paşazadə
• Anar
• Yepiskop Aleksandr
• Əflatun Amaşov
• Gövhər Baxşəliyeva
• Nizami Cəfərov
• Sadiq Mirzəyev (redaktor)
• Yusif Əsgərov
• Vasim Məmmədəliyev
• Oqtay Orucov (məsul katib)
• Əliheydər Zülfüqarov
• Gennadi Zelmanoviç

Mənbə: "Cəmiyyət və Din" qəzeti. 10-16 yanvar 2013, № 01 (187). səh. 16.  (az.)

• 2009-2012 — Elçin Cabbarov
• 2012 — Gündüz İsmayılov^[2]
• yanvar 2013-dekabr 2013 — Səyyad Salahlı^[3]
• yanvar 2014-dən — Sadiq Mirzəyev

• 200 - 18.04.2013

• Dövlət və Din (jurnal)
• İlahiyyatçı (qəzet)