Bilderberq klubu
Bilderberq klubu (ing. Bilderberg Club), Bilderberq qrupu (ing. Bilderberg Group), Bilderberq konfransı (ing. Bilderberg conference), Bilderberq toplantıları (ing. Bilderberg meetings) — dünyanın ən güclü, planetin ən nüfuzlu və ən zəngin insanlarının, beynəlxalq və regional miqyaslı siyasi, iqtisadi, mədəni dairələrin, özəl biznes və bank sahəsinin ən nüfuzlu şəxslərinin illik qeyri-formal yığıncağı[1]. Klubun mənzil-qərargahı Karneqi Fondunun Nyu-York ofisində yerləşir.[1]
![](http://upload.wikimedia.org/wikipedia/commons/thumb/b/bc/Bilderberg_-_Oosterbeek.jpg/220px-Bilderberg_-_Oosterbeek.jpg)
Tarixi
![](http://upload.wikimedia.org/wikipedia/commons/thumb/8/82/Bilderberg_Attendees.png/220px-Bilderberg_Attendees.png)
Klubun ilk toplantısı Amerika xüsusi xidmət orqanlarının himayəsi altında[1] 29 may 1954-cü ildə Niderlandın Osterbek şəhərindəki "Bilderberq" otelində olub.[2][3] Qrup öz adını da buradan götürüb.[4] Burada Niderlandın kral sarayının dəvətilə 12 ölkədən 70 nəfər iştirak edib.[4]
![](http://upload.wikimedia.org/wikipedia/commons/thumb/f/f3/Prince_Bernhard_1942cr.jpg/220px-Prince_Bernhard_1942cr.jpg)
İlk toplantıdan bəri hər dəfə yeni bir yerdə toplaşırlar.[5] Onların tərkibi klubun rəhbər şurası tərəfindən diqqətlə seçilərək müəyyənləşdirilir.[1] İştirakçılar bu konfransın nəticələrindən istifadə edə bilərlər.[1] Lakin onların toplantıdakı çıxışların, iddiaların detallarını açıqlamağa ixtiyarları yoxdur.[1]
Klubun 60 illik tarixindən artıq bir dövrdə mətbuata klubun iclaslarında nə baş verdiyi, kimin nə danışdığı haqda heç bir məlumat daxil olmayıb.[4] Əgər hansısa jurnalist araşdırmalarının nəticələri mətbuata sizsa, onu heç kəs təsdiq və ya təkzib etməyə tələsmir.[4] Tədqiqatçı, Niderlandın Hərbi Sənədlər İnstitutunun elmi işçisi, Avropa tarixinə dair bir neçə kitabın müəllifi Cerard Aalder bildirir ki,
"Bilderberq konfransı ətrafında nə qədər şayiələr dolaşsa da, bir şey dəqiqdir: Bilderberq klubu, ilk növbədə, milyardlarla dollar potensial investisiyadır."[1]
Klubunun son toplantısı 2015-ci il 11-14 iyun tarixləri arasında Avstriyanın Tirol əyalətinin Telfs-Buhen qəsəbəsindəki "İnteralpen" otelində keçirilir.[4] 22 ölkədən 140-a yaxın adam bu toplantıya dəvət alıb.[4]
Məqsədi
Təşkilatın yaradılmasından sonra qarşıya qoyulan əsas məqsəd öz mərkəzi bankı, sonradan vahid valyutası olan Avropa superdövlətinin yaradılması və Avroatlantizm prinsiplərinin möhkəmləndirilməsi idi.[1] Son hədəf isə vahid qlobal hökumətin yaradılması olaraq müəyyənləşdirilmişdi.[1]
Strukturu
Bilderberq klubu 3 dairədən formalaşır:[1]
- Xarici dairə — kifayət qədər genişdir və klub iştirakçılarının yarıdan çoxu oraya daxildir. Onlar klubun hədəfləri, strategiyanın reallaşdırılması üsulları haqqında o qədər də məlumatlı deyil.[1]
- İdarə komitəsi dairəsi — daha qapalı sayılan dairə olub, 35 nəfərdən ibarətdir. Bu dairəyə daxil olan insanlar, demək olar ki, klubun işi və məqsədləri haqda hər şeyi bilirlər.[1]
- Məşvərətçi komitə dairəsi — ən kiçik dairədir. Onun, təxminən, 10 üzvü var. Təşkilatda baş verən hər şey haqda məhz həmin insanlar məlumatlıdırlar və qərar qəbul etmək səlahiyyətləri də onlardadır.[1]
Rəhbərləri
Həmçinin bax
- Komitet 300
- Beynəlxalq əlaqələr Şurası
- Üçtərəfli komissiya
- Roma klubu
- Alman Marşall Fondu
- Kəllə və sümüklər
- Bohemiya klubu
İstinadlar
Xarici keçidlər
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- bilderbergmeetings.org — Bilderberq klubunun rəsmi saytı
- Official website of the Bilderberg conference (since 2010)
- "Elite power brokers meet in secret". BBC News. 15 May 2003.
- "Bilderberg mystery: Why do people believe in cabals?". BBC News. 8 June 2011.
- Jon Ronson. "Who pulls the strings ? an excerpt from Jon Ronson's book Them". The Guardian. 10 March 2001.
- Charlie Skelton's Bilderblog The Guardian
- Bilderberg Group? No conspiracy, just the most influential group in the world Daily Telegraph
- Ken Clarke: Bilderberg conspiracy claims are nonsense BBC
- Bilderberg meeting reports from WikiLeaks
- Minutes of 1973 Bilderberg Meeting bibliotecapleyades.net
- Minutes of 1999 Bilderberg Meeting Arxivləşdirilib 2015-05-24 at the Wayback Machine, Schnews
- 39 Bilderberg Meetings Conference Reports - 1954, 1955, 1957 to 1975, 1977, 1978, 1980 to 1993, 1995 and 2002, fr.scribd.com