Almaniya–İtaliya futbol rəqabəti

Almaniya və İtaliya yığmaları arasındakı futbol rəqabəti Avropanın iki ən maraqlı futbol yığması olan Almaniya və İtaliya arasında keçirilir və beynəlxalq səviyyədə davamlılığına görə yalnız Braziliyadan geri qalır. Ümumilikdə hər iki komanda bütün Avropa ölkələrinin birlikdə ümumi nəticəsindən çox - 8 dəfə FİFA Dünya Kubokunun qalibi və 14 dəfə bu turnirin finalçısı olublar. Onlar bir-birinə qarşı 5 dəfə Dünya Kubokunun finalında oynayıblar və bu oyunlar dünya futbolu tarixinə keçib. 1970-ci ildə bu iki ölkə arasında keçirilən "Əsrin oyunu" yarımfinal oyunu İtalyanın əlavə vaxtda qazandığı 4:3 hesablı qalibiyyəti ilə yadda qalmışdır, bu dramatik oyuna Mexiko şəhərində Azteca stadionunun (Estadio Azteca) girişində xatirə lövhəsi qoyulmuşdur.
Almaniya milli futbol komandası həmçinin 3 dəfə UEFA Avropa Çempionatı kubokunu qazanmışdır, İtaliya milli futbol komandası isə bu titulu yalnız bir dəfə qazanmışdır. Bu iki ölkə Avropa Çempionatında 4 dəfə üz-üzə gəlmişdir, bunlardan üçü əsas hissədə heç-heçə (birində almanlar penaltilərdə qalib olmuşdur), biri isə italyanların qələbəsi ilə baş çatmışdır.
Almaniyanın beynəlxalq çempionatlarda daha çox qalib olmasına baxmayaraq, İtaliya başa-baş keçirdikləri 34 oyuna 15 qələbə, 11 heç-heçə və 8 məğlubiyyətlə dominantlığını qoruyub saxlayır.
Bundan başqa, Almaniya Avro-2016 dörddə bir mərhələsindəki oyuna qədər heç vaxt əsas oyunlarda İtalyanı məğlub edə bilməyib (almanlar italyanlar üzərindəki digər bütün qələbələri yoldaşlıq oyunlarında qazanıb). Bundan başqa, bu iki yığma arasında Avro-1996 qrup mərhələsində İtaliya turnirdən uzaqlaşdırıldı, həmin vaxt Almaniya artıq nokaut mərhələsinə vəsiqə qazanmışdı.
Həmçinin İtaliya və Almaniya Demokratik Respublikası (Şərqi Almaniya) arasında hərəsinə 1 qələbə və 2 heç-heçə olmaqla 4 matç keçirilmişdir.Bu iki ölkə bir dəfə Yay Olimpiya Oyunları zamanı da bir-birinə qarşı oynamışdır. 1988-ci ildə Seulda keçirilən Yay Olimpiya Oyunlarında Qərbi Almaniya bürünc medal uğrunda oyunda İtalyanı 3:0 hesabı ilə məğlub etmişdir.
Almaniya 1995-ci il 21 iyunda Münhendə Alyans Arenada 2:0 hesabla İtaliya üzərində qələbə qazandıqdan yalnız 21 il sonra 29 mart 2016-cı ildə 4:1 hesabla italyanları məğlub edə bildi.
2 iyul 2016-cı ildə Almaniya böyük turnirlərdə (Avropa Çempionatı və Dünya Çempionatı) İtaliyaya qarşı özünün ilk rəqabət xarakterli qələbəsini qazandı. Fransanın Nouveau Stade de Bordeaux stadionunda UEFA Avropa Kuboku 2016 turnirinin dörddə bir mərhələsi oyununda əsas vaxtda 1:1 heç-heçə ilə keçən gərgin oyundan sonra italyan müdafiəsini qıra bilməyən almanlar penaltilər seriyasında 6:5 hesabı ilə qalib gəldilər.