İsaxan Aşurov
İsaxan Aşurov | |
---|---|
Doğum tarixi | 1 avqust 1955 |
Doğum yeri | |
Vəfat tarixi | 22 iyun 2012 (56 yaşında) |
Vəfat yeri | |
Vəfat səbəbi | xərçəng xəstəliyi |
Dəfn yeri | |
Təhsili | |
Fəaliyyəti | vəkil |
İsaxan Aşurov (1 avqust 1955, Faxralı, Bolnisi rayonu – 22 iyun 2012, ABŞ) — Azərbaycanlı vəkil.
Həyatı
mənbəni redaktə etİsaxan Aşurov 1955-ci il avqustun 1-də Gürcüstan Respublikası Bolnisi rayonunun Faxralı kəndində anadan olub.
1972-ci ildə Faxralı kənd orta məktəbini bitirib, elə həmin ildə də Bakı Dövlət Universitetinin hüquq fakültəsinə qəbul olunub. 1977-ci ildə həmin fakültəni bitirib.
İsaxan Aşurov müalicə üçün ABŞ-yə getmişdir. O, xərçəng xəstəliyindən əziyyət çəkirdi. 2012-ci il iyunun 22-də ABŞ-də vəfat etmişdir. Gürcüstanda dəfn olunmuşdur.
Ailəsi
mənbəni redaktə etAiləli idi. 4 övladı var.
Fəaliyyəti
mənbəni redaktə et1977–1981-ci illərdə Qazax Polis Şöbəsində, 1981–84-cü illərdə Tovuz rayon Polis Şöbəsində müstəntiq, 1984–89-cu illərdə isə SSRİ DİN-in Baş İstintaq Qrupu istintaq briqadasının müstəntiqi vəzifəsində çalışıb.
1989–1991-ci illər ərzində Tovuz Rayon Polis Şöbəsində istintaq bölməsi rəis, 1991–1992-ci illərdə Göyçay rayon Polis Şöbəsində baş müstəntiq, 1992–1993-cü illərdə Qazax Rayon Polis Şöbəsinin rəisi vəzifəsində işləyib.
1996-cı ildən vəkil kimi çalışıb. Azərbaycan Respublikasının Vəkillər Kollegiyasının üzvü olub.
Xatirəsi
mənbəni redaktə et2012-ci il iyunun 23-də "İsaxan Aşurov" adına mükafat təsis edilib. "Sülh və Demokratiya İnstitutu (SDİ) insan hüquqları, demokratiya uğrunda mübarizə aparanlara "İsaxan Aşurov" mükafatı verəcək. Mükafat hər il qanun və hüquq uğrunda mübarizə aparan vətəndaşlara veriləcək[1].
İstinadlar
mənbəni redaktə etXarici keçidlər
mənbəni redaktə et- Tanınmış vəkil İsaxan Aşurov vəfat edib Arxivləşdirilib 2012-06-24 at the Wayback Machine