Storka arte tamava (suterot)

Storka arte tamava tir izvaf is stuvaf berpot ke Jules Verne sanegayan bak 1905, tis tana karba ke Yona zultafa koyara nevatum.

Bak 1859-1860 gearte Geefa Amerika, argentinafe bowere va storka yoltkirafa gu Storka arte tamava moe Los Estados ewala rone Tierra del Fuego al vegedud, lize Pacifika welfa isu Atlantika va sint kevnid, enide bopelawera ke tota drumlapisa di zo taruted.

Baroy susik gu rubara va fliracka ke bata storka kolnayana moe letaf is meluvedaf siday zo vajged. Voxe me gruped da tcordiktum stan gan Kongre is Carcante detik koe bata ewala ernigur ise va xeyesa tota elaker ise va drig loviele staker. Toloy susik gan tcordik zo adjubed voxe bareaf savsaf Vasquez lajupotcer aze va John Davis amerikaf bopelanik giwar. Belcon sin va mallapira ke tcordiktum va ewala lasutatced, keson va artlapira ke Santa-Fé argentinaf sayakaf totuk.

• Vasquez : argentinikye, 47^-dafe, okilaf susik va storka.
• Kongre : mon 40^-dafe, okilikye ke elasiktum.
• Carcante : tcileikye, 35-40^-dafe, detik ke Kongre.
• John Davis : Amerikikye, 30-35^-dafe, ikaredakik ke Century tota.
• Felipe : argentinikye, 40^-dafe, birelik is susik va storka.
• Moriz : argentinikye, 37^-dafe, birelik is susik va storka.
• Vargas : rentasikye ke blay ke Kongre.
• Lafayate : redakikye ke Santa-Fé tota.
• Riegal : ikaredakikye ke Santa-Fé tota.
• Harry Steward : redakikye ke Century tota.

Konaka yunkexa va berpot, koe piskura ke 1905

• Jules Verne : Francavaf suterotik ( 1828-1905 )
• (fr) Storka arte tamava, dene Wikisource ( xantokrent )