Tracy Morgan

Morgan nació y creció en Brooklyn (Nueva York), el segundu de cinco fíos d'Alicia (de soltera Warden), una ama de casa, y James Morgan, Jr., un músicu que dexó la familia cuando Morgan tenía seis años.^[2][3][4] Morgan creció en Tompkins Proyeutos en Bedford-Stuyvestan, Brooklyn.^[5] Dempués d'asistir a De Witt Clinton High School en Bronx, afayóse en 1984 mientres interpretaba comedia en vivo nel Teatru Apollo.^[6] Primero que Morgan empezara la so carrera, trabayó en Nueva York como pintor, pa L&L Painting y Rose Company.

Morgan entamó la so carrera en Martin, onde interpretó a Hustle Man. El personaxe vendía artículos al azar que tenía del 'barriu', siempres saludando a la xente cola so marca, "¿Qué pasa, xefe?" y tenía un perru que se vistía como raperu. En 2003, na película de Chris Rock Head of State, Morgan apaeció como un home viendo la televisión que, de cutiu, entrugaba porque nun víen Martin.

Morgan foi tamién un miembru regular n'Uptwon Comedy Club, una comedia filmada en Harlem que salió al aire mientres dos temporaes ente 1992 y 1994. Tamién tuvo nel programa de HBO Snaps.

Morgan xúnese al repartu de Saturday Night Live en 1996, onde interpretó como regular hasta 2003. Presentó una variedá de personaxes nel programa, incluyendo a Brian Fellow, El Tíu Jem, Dominican Lou, L'Obispu Don "Mack" Donald, L'Astronauta Jones, L'Africanu Andy, Benny the Bengal, y Woodrow. Morgan foi acreditáu tamién con imitaciones d'Aretha Franklin, Harry Belafonte, Maya Angelou, Samuel L. Jackson, Louis Armstrong, Mike Tyson, el xuez Greg Mathis, Lou Bega, Mr. T, Tito Jackson, Petri Hawkins-Byrd, Star Jones, John Boehner, Plaxico Burress, y Al Sharpton. El 14 de marzu de 2009, Morgan tornó a SNL como anfitrión y representó los sos papeles de Brian Fellow y l'Astronauta Jones.

Morgan ye un miembru del programa de NBC 30 Rock, interpretando'l personaxe Tracy Jordan, una caricatura de sigo mesmu. El so trabayu en 30 Rock foi perbién recibíu, siendo nomáu por Meyor Actor de Repartu nuna Serie de Comedia nos Premios Emmy 2009.

Morgan tuvo'l so propiu programa, The Tracy Morgan Show, en 2003, pero foi atayáu dempués d'una temporada.

Morgan tamién tuvo una comedia en direuto titulada "One Mic" que foi amosáu en Comedy Central. Tamién foi'l anfitrión de Spike Guys' Choice Awards, que salió al aire'l 13 de xunu de 2007. En 2003, tuvo nun episodiu de Punk'd en que'l so autu yera arremolcáu d'un estacionamiento. Puede escuchase como "Spoonie Luv" nel programa de Comedy Central Crank Yankers y como Woof na serie animada de MTV2 Where My Dogs At?.

Morgan actuó en comerciales pa ESPN NFL 2K, ESPN NBA 2K, y ESPN NHL 2K, onde co-protagonizó con Warren Snapp, Ben Wallace y Jeremy Roenick. Apaeció na película The Longest Yard, protagonizada con Adam Sandler, como un travesti presu.^[7]

Morgan presentó Hip Hop Honors de VH1 por dos años consecutivos y foi anfitrión de la tercer temporada de Scare Tactics, programa de cámara oculta que bromia a les persones utilizando los sos mayores mieos.

Morgan fixo la voz d'Axente Blaster en G-Force. Morgan va faer la voz d'un bulldog na película animada Ríu.

El 27 de xineru de 2011, Morgan apaeció en NBA on TNT del xuegu televisáu de Miami Heat y New York Knicks. Mientres l'apaición, les comentaristes Charles Barkley y Kenny Smith preguntáron-y a Morgan n'escoyer ente Sarah Palin y Tina Fey en cual yera la más guapa (Fey interpreta a Palom en Saturday Night Live y ye una compañera de trabayu de Morgan). Morgan respondió con un comentariu obscenu sobre Palin que lo fixo tener qu'esculpase polos sos comentarios en vivu.^[8]

Morgan afirma tener una serie de tatuaxes, incluyendo: un signu de paz, una cara murnio y sonriente; una cruz colos nomes de la so esposa y tres fíos; el nome d'un amigu que xugaba al baloncestu na secundaria que foi asesináu; les pallabres ME, MYSELF, & I nel so llombu; y la frase Stove Top.^[9]

Morgan casóse cola so novia de secundaria Sabina en 1985. Tien tres fíos xuntos.^[10] Morgan pidió'l divorciu na Corte Suprema de Bronx el 7 d'agostu de 2009 dempués de 23 años de matrimoniu, anque él y la so esposa habíen estáu separaos mientres ocho años. Un amigu díxo-y a New York Daily News, "Básicamente taben divorciaos ensin papeles."^[11] Morgan atributa a unu de los sos fíos por salvalo de los sos problemes de bébora.^[12]

En 1996, foi diagnosticáu con diabetes, pero diz que nunca lo tomó seriamente, negándose a tomar la medicación o camudar la so dieta. Dempués d'una fiebre de 104 graos nel set de 30 Rock, Morgan decidió cumplir finalmente coles órdenes del so doctor. Agora ye bien cautelosu cuando se trata de la so condición. Col so consentimientu, munchos de los mesmos problemes de Morgan fueron incorporaos a episodios de 30 Rock.^[13]

Alredor del 10 d'avientu de 2010, Tracy Morgan recibió un tresplante de reñón. Anuncióse'l 22 d'avientu de 2010 que taba en reposu y que se perdería "siquier dos episodios" de "30 Rock" en 2011.^[14]

En Xunu de 2014 sufrió un tráxicu accidente de coche, nel que finó'l so amigu James McNair, y el mesmu Tracy Morgan salió bien mancáu. Un añu dempués declaró nel NBC's Today Show que "los güesos sanan, pero la perda d'un amigu, non", y que nun sabía cómo volvería ser risonderu.^[15]

Mientres unu de los sos monólogos en Nashville, Morgan aseguró que "si'l so fíu resultara h, sería meyor que falara con voz d'home y non con voz homo sexual" o de lo contrario "tomaría un cuchiellu y apuñalar hasta matalo". Les declaraciones del comediante xeneraron un ampliu refugu de la comunidá homo sexual alredor de tol mundu.^[16]

El 20 d'ochobre de 2009, foi llanzada l'autobiografía de Morgan, I Am the New Black. El llibru inclúi hestories de la so vida viviendo en Tompkins Projects en Bed-Stuy, Brooklyn, pa convertise nuna estrella como miembru de Saturday Night Live. Tracy apaeció en Fresh Air de National Public Radio presentáu por Terry Gross.

• Premios Emmy
  • 2009, Meyor Actor de Repartu nuna Serie de Comedia: 30 Rock, nomáu *

Premios Image

• • 2008, Meyor Actor de Repartu nuna Serie de Comedia: 30 Rock, nomáu **

2007, Meyor Actor de Repartu nuna Serie de Comedia: 30 Rock, nomáu

• Half Baked (1998)
• How High (2001)
• Jay and Silent Bob Strike Back (2001)
• 30 Years to Life (2001)
• Head of State (2003)
• The Longest Yard (2005)
• Are We There Yet? (2005)
• Little Man (2006)
• VH1's Totally Awesome (2006)
• Farce of the Penguins (2006)
• Ocean's Thirteen (2007)
• First Sunday (2008)
• Superhero Movie (2008)
• Beer for My Horses (2008)
• Scare Tactics (2008)
• G-Force (2009)
• Deep in the Valley (2009)
• Nailed (2010)
• Cop Out (2010)
• Death at a Funeral (2010)
• The Other Guys (2010)
• Ríu (2011)
• Son of No One (2011)
• Top Five (2014)