Tiffani Thiessen

Thiessen nació en Long Beach, California. Vien de antepasaos d'orixe alemán, griegu, turcu ya irlandés. Yá na so adolescencia, foi coronada Miss Junior América en 1987 y ganó un premiu de la revista Teen Magacín en 1988, publicación de la que foi portada. Estos llogros abriéron-y les puertes de la pequeña pantalla, pos namái un añu dempués diose a conocer col personaxe de Kelly Kapowski na serie de televisión Saved by the Bell (Saved by the Bell). Darréu actuó encarnando'l papel de Valerie Malone na serie Beverly Hills, 90210. Ella convirtióse nuna de los ídolos de les adolescentes d'Estaos Xuníos nos años 1990 y en tou un sex symbol.

Nun consiguió notoriedá nel cine, anque en 2002 llogró un papel na película de Woody Allen, Un final made in Hollywood.

De 2009 a 2014 desenvolvió unu de los papeles principales de la serie White Collar de la cadena USA Network, onde interpretaba a Elizabeth Burke.

Dende 2015, tien el so propiu programa de cocina na canal d'Estaos Xuníos Cooking Channel, tituláu Dinner at Tiffani's.

Mientres rodaba Beverly Hills, 90210 conoció a Brian Austin Green con quien caltuvo una rellación sentimental ente 1992-1995. En marzu de 1999, el so noviu entós daquella, David Strickland, suicidóse. Dende 2001 hasta 2003 caltuvo una rellación con Richard Ruccolo.

Anguaño ta casada col actor Brady Smith, con quien se casó'l 9 de xunetu de 2005 en Montecito (California) y tienen dos fíos, Harper Renn Smith (2010) y Holt Fisher Smith (2015).^[2]

• Sitio web oficial
• Tiffani Thiessen na Internet Movie Database (n'inglés) n'Internet Movie Database ()