San Andrés y Sauces

Mientres dalgún tiempu fueron dos nucleos estremaos, San Andrés na mariña y Los Sauces nes medianías. Tres la crisis de la caña d'azucre empecipió'l cayente de dambos lo que produció que finalmente se xunieren. Por cuenta de ser llugar de camín de la carretera del norte, Los Sauces creció en población ente que San Andrés enllancóse.

El conceyu destaca pola so masa montiega de laurisilva, los sos fondos ribayos, los sos bancales y cultivos de plátanos. Dellos llugares d'interés son el ribayu y monte de los Tilales, Los Nacientes de Marcos y Corderu, El Molín El Rexente, El Charcu Azul (piscines naturales), El Puertu Espíndola, Ilesia de San Andrés, según los nucleos de población, onde atopamos bones muestres d'arquiteutura tradicional.

La economía xira en redol al plátanu principalmente, siendo l'únicu otru cultivu d'importancia la caña d'azucre, que s'usa na única destilería de la islla pa fabricar el Ron L'Aldea. Otru cultivu minoritariu ye'l ñame, que se cultiva nes fasteres húmedes encharcadas de los ribayos. Los sauceros son conocíos en La Palma como "Ñameros".

Na mariña atopa Puertu Espíndola, un pequeñu puertu pesqueru qu'enantes foi la principal vía de comunicación del conceyu, primero que se construyera nel sieglu XX la carretera.

Na mariña atópense tamién les piscines naturales del Charcu Azul, pequeñu centru turísticu del conceyu.

Gráfica d'evolución de San Andrés y Sauces ente 1900 y 2011

• La Palma
• Llista de conceyos de Santa Cruz de Tenerife

• Web Municipal
• Asociación pal Desenvolvimientu Rural de la Isla de La Palma.
• Asociación de Comerciantes y Empresarios de San Andrés y Sauces, La Palma