Psi1 Orionis
Psi1 Orionis (ψ1 Ori / 25 Orionis / HD 35439 / HR 1789)[7][8] ye una estrella na constelación d'Orión de magnitú aparente +4,87. Ye miembru de l'asociación OB que lleva'l so nome, que de la mesma forma parte de l'asociación estelar Orión OB1. Alcuéntrase a unos 1110 años lluz de distancia del Sistema Solar.
5h 24m 44.827s, 1° 50′ 47.202″
Psi1 Orionis ye una estrella blancu-azulada de tipu espectral B1Ve con una temperatura de cerca de 25.000 K. Incluyendo la gran cantidá radiación ultravioleta emitida, Psi1 Orionis ye 10.500 vegaes más lluminosa que'l Sol. Tien un radiu 6 vegaes mayor que'l radiu solar y, con una masa de 10,5 mases solares, supera la llende a partir del cual les estrelles esploten en forma de supernova.[9]
La rápida rotación de Psi1 Orionis (la so velocidá de rotación nel ecuador ye de 310 km/s) favorez que sía una estrella Be, onde esiste un discu circumestelar qu'emite radiación. Catalogada como una estrella con envoltura, el discu apaez dende la nuesa llinia de visión aproximao de perfil. Ye una estrella nueva con una edá inferior a 10 millones d'años.[9]