Nestoriu

Nestorio, en griegu Νεστόριος (c. 386-c. 451), líder cristianu siriu del sieglu V. Foi patriarca de Constantinopla y foi acusáu de profesar la doctrina que lleva'l so nome (nestorianismu), consistente nuna separación total ente la divinidá y l'humanidá de Cristu. Tal doctrina foi declarada herética pol Conceyu d'Éfesu, que depunxo a Nestorio del patriarcáu en 431. Morrió nos desiertos de Libia ente 440 y 451.

Nestoriu
Patriarca Ecuménicu de Constantinopla arzobispo católico (es)
Vida
Nacimientu	Marash[1], década de de 380
Nacionalidá	Imperiu Bizantín
Muerte	Alto Egipto (es) , 451[2] (61/71 años)
Sepultura	Jariyá (es)
Estudios
Llingües falaes	llatín[3] griegu antiguu
Alumnu de	Teodoro de Mopsuestia (es)
Oficiu	escritor, obispu católicu, sacerdote católicu, teólogo cristiano (es)
Creencies
Relixón	Nestorianismu Ilesia Católica[4]

Al recayer sobre él l'acusación de herexía, les sos obres fueron destruyíes. Trátase d'una producción numberosa sobremanera de sermones, cartes y dellos trataos dedicaos a temes dogmátiques en disputa. Caltiénse la so obra Bazar de Heráclides de Damascu, onde critica la postura de Cirilu d'Alexandría y, poro, les decisiones del Conceyu d'Éfesu. Atribuyéronse-y tamién los Dolce contra-anatematismos, que seríen una respuesta a los Anatematismos de Cirilo, pero tal atribución ye espuria.

Los sos siguidores, los nestorianos, espublizaron la so doctrina por Asia, llegando a crear una importante ilesia que s'estendió dende la India hasta Siberia. Anguaño queden congregaciones d'esta ilesia n'Iraq (Ilesia católica apostólica asiria del Oriente), Irán, India, China, Estaos Xuníos y otros llugares onde migraron comunidaes de los países citaos.