Mohammad Rezá Aref
Mohammad Rezá Aref[1] (19 d'avientu de 1951, Yazd (es) 
) ye un políticu y catedráticu universitariu iranín. Ente los años 2001 y 2005 exerció la vicepresidencia primera d'Irán nel segundu gabinete de Seyed Mohammad Jatamí y, na actualidá, ye miembru del Conseyu Cimeru de la Revolución Cultural[2] y del Conseyu de Discernimiento del Interés del Estáu, catedráticu de la Facultá d'Inxeniería Llétrica de la Universidá Teunolóxica Sharif y presidente de la xunta directiva de la Fundación Barán.
Mohammad Rezá Aref | |||
|---|---|---|---|
 | |||
26 agostu 2001 - 10 setiembre 2005 | |||
| Vida | |||
| Nacimientu | Yazd (es) , 19 d'avientu de 1951 (72 años) | ||
| Nacionalidá |  Irán | ||
| Familia | |||
| Casáu con | Hamideh Moravvej Farshi (en) | ||
| Fíos/es | Hamid Reza Aref (en) | ||
| Estudios | |||
| Estudios | Universidá de Teḥrán Universidá Stanford | ||
| Oficiu | políticu, inxenieru, profesor universitariu | ||
| Emplegadores | Universidá de Teḥrán universidad industrial sharif (es) | ||
| Creencies | |||
| Partíu políticu | Frente de Participación del Irán Islámico (es) | ||
| draref.ir | |||
 | |||
 | |||
Formación
Nacíu en Yazd en 1951, Mohammad Rezá Aref llicencióse en Electrónica en 1975 na Universidá de Teḥrán y prosiguió los sos estudios con una maestría n'inxeniería llétrica y un doctoráu n'inxeniería de telecomunicaciones na Universidá Stanford nos años 1976 y 1980, respeutivamente. La so tesis doctoral trató sobre teoría de la información en redes.
Carrera política
Tres años de carrera académica, primero na Universidá Teunolóxica de Isfahán y, ente 1994 y 1997, como rector de la Universidá de Teḥrán, el 28 d'agostu de 1997 Mohammad Rezá Aref foi designáu como ministru de Correos, Telégrafos y Teléfonos del primer gabinete del reformista Seyed Mohammad Jatamí, ministeriu que dempués foi renombráu como de Comunicaciones y Teunoloxía de la Información. Presidió amás l'Institutu de Xestión y Planificación d'Irán ente 2000 y 2001 y, ente 2001 y 2005, sirvió como vicepresidente primeru del segundu gobiernu de Jatamí.
Eleiciones
Nes eleiciones llexislatives de 2008, Aref yera consideráu la primer figura de la coalición reformista pero abandonó la carrera eleutoral en vetando'l Conseyu de Guardianes más de 2.500 candidatures, na so mayoría de la so corriente.
Mohammad Rezá Aref inscribióse como candidatu na eleición del oncenu presidente d'Irán el 10 de mayu de 2013, col lema «sustentu, dignidá y racionalidá».
| Predecesor: Hasán Habibí | Vicepresidente d'Irán 2001 - 2005 | Socesor: Parviz Davudí |
Referencies
Web de siguimientu de la eleición iranina Iran Election Watch (n'inglés)
Referencies
Enllaces esternos
Wikimedia Commons acueye conteníu multimedia sobre Mohammad Rezá Aref.
Datos: Q2655534- Multimedia: Mohammad Reza Aref
