Maura Tombelli

Maura Tombelli (8 de payares de 1952, Montelupo Fiorentino) ye una astrónoma aficionada italiana qu'empezó'l so entrenamientu n'astronomía como observadora d'estrelles variables. Ye una prolífica descubridora de casi 200 planetes menores,^[1] incluyendo l'asteroide 7794 Sanvito, y un miembru de l'American Association of Variable Star Observers.^[2][3]

Maura Tombelli
Vida
Nacimientu	Montelupo Fiorentino, 8 de payares de 1952 (71 años)
Nacionalidá	Italia
Familia
Fíos/es	Sandro Bartolini
Estudios
Llingües falaes	italianu
Oficiu	astrónoma
Emplegadores	Observatoriu Astrofísicu d'Asiago Observatoriu Astrofísicu d'Arcetri Observatory of San Vito a Montelupo (en)

Ye conocida como la única muyer astrometrista italiana.^[4] Xunto colos astrónomos italianos Ulisse Munari y Giuseppe Forti, empecipió un estudiu de cinco años de planetes menores nel Observatoriu Astrofísicu de Asiago en 1994. Tamién compartió munches observaciones colos descubridores, especialmente'l siguimientu d'oxetos cercanos a la Tierra (OCT), y contribuyó al descubrimientu de 15817 Lucianotesi, el primer OCT atopáu d'Italia. Anguaño ta arreyada nun proyeutu para construyir un nuevu observatoriu (Osservatorio di Montelupo) cerca del pueblu de Montelupo, onde vive.^[4]

L'asteroide 9904 Mauratombelli, afayáu polos astrónomos italianos Andrea Boattini y Luciano Tesi en 1997, lleva'l nome nel so honor.^[4]