Marta Hernández Romero

Realizó una llicenciatura n'educación primaria y un doctoráu en ciencies pedagóxiques. Entamó la so carrera como maestra nuna escuela primaria en 1976. Al traviés de los años, dirixó una escuela primaria y un seminternáu. En 1992 aportó a xefa d'enseñanza primaria de la ciudá Santiago de Cuba y depués a direutora municipal d'educación en 1999. Algamó'l cargu de Direutora d'Educación de la provincia de Santiago de Cuba (2001-2003) y depués, dende 2003, en L'Habana.^[2]

Foi escoyida delegada del VI Congresu del Partíu Comunista de Cuba (PCC) y foi candidata a ser miembru del Comité Central del PCC. Dende 2003 ye diputada a l'Asamblea Nacional del Poder Popular de Cuba y na VI Llexislatura (2003-2008) foi miembru del Conseyu d'Estáu.^[1][3]

Tamién foi delegada a l'Asamblea Municipal del Poder Popular de Santiago de Cuba y presidió la comisión d'educación, cultura y deporte. Amás integró comité municipal del PCC en Santiago.^[2]

El 5 de marzu de 2011 foi escoyida presidenta de l'Asamblea Provincial del Poder Popular de la Provincia de L'Habana (alcaldesa de la ciudá), en reemplazu de Juan Contino Aslán, que dexó'l cargu en febreru de 2011. Enantes fuera vicepresidenta del Conseyu de l'Alministración Provincial.^[1][4]

En 2013 foi escoyida a la VII Llexislatura de l'Asamblea Nacional pol conceyu de La Lisa.^[2]

Dexó'l so cargu como alcaldesa en L'Habana n'agostu de 2016 siendo reemplazada por Reinaldo García Zapata.^[5]

En 2017 recibió la distinción «23 d'Agostu».^[6]