María Lleopoldina de Austria-Este

María Leopoldina nació en Milán, el 10 d'avientu de 1776. Yera la tercer fía del archiduque Fernando Carlos d'Habsburgu-Lorena y de la princesa María Beatriz d'Este.

N'agostu de 1795, María Leopoldina foi obligada a casase con Carlos Teodoro del Palatináu y Baviera, quien yera 52 años mayor qu'ella. El matrimoniu foi iguáu cola esperanza de que daría llugar a un fíu y herederu de la llinia principal a la Casa de Wittelsbach, #pero María Leopoldina refugó tou contautu físicu col so home, humildó-y en públicu y empezó a tener amigos, ente ellos Maximiliano I de Baviera y Maximiliano von Montgelas.

Ella escoyóse a sigo mesma pa formar una alianza cola Casa de Palatináu-Zweibrücken, n'oposición a l'alianza que'l so home forxara cola so propia familia, los Habsburgu. Cuando'l so maríu taba morriéndose en 1799, ayudó al so herederu Maximiliano de Palatináu-Zweibrücken a faer los arreglos pa la so socesión y retiróse al castiellu de Berg nel llagu de Starnberg, onde foi llueu conocida por llevar un estilu de vida llibertín colos sos amantes. Quedó embarazada y pa fuxir del escándalu foi exiliada a Laibach mientres un periodu de tiempu y onde dio a lluz. Más tarde aportó a bien rica al traviés de la xestión de les tierres de la so casona de Baviera en Stepperg.

El 14 de payares de 1804, María Leopoldina casó en Múnich col conde Luis Arcu. Tuvieron tres fíos:

• Luis Nicolás Ambrosio d'Arcu (6 d'avientu de 1808 – 10 de setiembre de 1891)

• Maximiliano José Bernardo d'Arcu-Zinneberg (13 d'avientu de 1811 – 13 de payares de 1885)

• Carolina d'Arcu (26 d'avientu de 1814 – 18 de xineru de 1815)

En 1848, María Leopoldina viaxaba en carruaxe dende Múnich a Viena. El so carruaxe entornó cerca de Wasserburg y morrió entartallada. Dexó una fortuna de 15 millones de florinos a los sos dos fíos.

• Soberana Gran Maestre de la Orde de #Santa Isabel (pa muyeres) (Eleutoráu de Baviera).

• Krauss-Meyl, Sylvia. Das "Enfant terrible" des Königshauses: Maria Leopoldine, Bayerns letzte Kurfürstin (1776-1848). Regensburg: Pustet, 1997. ISBN 3-7917-1558-5.