Lois Wilson

Lois Wilson (28 de xunu de 1894, Pittsburgh – 3 de marzu de 1988, Reno) foi una actriz d'Estaos Xuníos conocida fundamentalmente pol so trabayu nel cine mudu.

Lois Wilson
Vida
Nacimientu	Pittsburgh, 28 de xunu de 1894[1]
Nacionalidá	Estaos Xuníos
Llingua materna	inglés
Muerte	Reno, 3 de marzu de 1988[1] (93 años)
Sepultura	Forest Lawn Memorial Park
Causa de la muerte	neumonía
Familia
Hermanos/es	Constance Wilson (en) Roberta Wilson (es)
Estudios
Estudios	Universidad del Oeste de Alabama (es)
Llingües falaes	inglés
Oficiu	actriz, direutora de cine, guionista, actriz de televisión, actriz de cine, participante en concursos de belleza
Premios	ver Estrella del Paséu de la Fama de Hollywood
IMDb	nm0933773

Nacida en Pittsburg, Pennsylvania, la familia de Wilson treslladóse a Alabama siendo ella bien nueva. Fízose maestra, y dempués allegó a California, onde ganó un concursu de guapura entamáu por Universal Studios en 1915. En llegando a Hollywood, Lois fixo un pequeñu papel en The Dumb Girl of Portici, protagonizada pola baillarina Anna Pávlova.

N'actuando en delles películes de distintos estudios, Wilson asítiase en Paramount Pictures en 1919, empresa pa la que trabayó hasta 1927. Foi una de les WAMPAS Baby Stars de 1922, y actuó en 150 películes. Los papeles má importantes de Lois son los de Molly Wingate en The Covered Wagon (1923) y el de Daisy Buchanan na versión muda de The Great Gatsby (1926). Trabayó xunto a estrelles masculines de la dómina tales como Rodolfo Valentino y John Gilbert.

Wilson demostró tener un gran talentu, siendo capaz d'interpretar primeros papeles románticos según papeles secundarios. A pesar de que la so transición al sonoru foi esitosa, Wilson nun taba satisfecha colos papeles que recibía nos años trenta, polo que se retiró en 1941, rodando solu cinco títulos dempués de 1939. Lois aventurar en Broadway y na televisión tres el so últimu papel en The Girl From Jones Beach (1947), xunto a Ronald Reagan. Wilson actuó nes series televisives The Guiding Light en (1952) y The Edge of Night.

Lois Wilson nun tuvo nunca casada, y foi escoyida por Paramount Pictures pa representar a la industria cinematográfica na British Empire Exposition de 1924. Foi descrita como "típicu exemplu de moza americana, tantu en calter como en cultura y guapura".

Lois Wilson finó por una neumonía nel Riverside Hospital for Skilled Care en Reno (Nevada) el 3 de marzu de 1988. Tenía 93 años d'edá. Foi soterrada nel Forest Lawn Memorial Park de Glendale, California. El so funeral foi lleváu a cabu nel Good Shepherd de Beverly Hills, California.

Lois Wilson tien una estrella nel Paséu de la Fama de Hollywood.