Les Bahames

Les Bahames^[11], oficialmente Mancomunidá de Les Bahames, ye un estáu insular independiente d'América, allugáu nes Antilles. El so territoriu confórmalu un conxuntu de 24 islles habitaes, 600 despoblaes y más de 2.000 isllotes pertenecientes al archipiélagu de les Lucayes o de Les Bahames, qu'abarca, amás d'esti país, al territoriu británicu d'ultramar de les islles Turques y Caicos. Allúgase nel Océanu Atlánticu, al este de Florida (Estaos Xuníos), al norte de Cuba y de les otres islles del mar Caribe, y al noroeste de les islles Turques y Caicos. La so capital ye Nasáu, na islla de Nueva Providencia.

Les Bahames Commonwealth of The Bahamas Mancomunidá de Les Bahames
Reinos de la Mancomunidá de Naciones
Bandera de Les Bahames escudu de Les Bahames
Lema nacional	Forward, Upward, Onward, Together (Inglés: N'alantre, p'arriba y p'alantre, xuntos)
Himnu nacional	March On, Bahamaland (es)
Alministración
Nome oficial	Commonwealth of the Bahamas (en) le Commonwealth des Bahamas (fr) Bahamské spoločenstvo (sk)
Capital	Nasáu
Forma de gobiernu	Monarquía constitucional
Monarca de Les Bahames	Carlos III del Reinu Xuníu (dende 8 setiembre 2022)
Primer Ministru de les Bahames	Hubert Minnis (dende 11 mayu 2017)
Llingües oficiales	inglés
Relixón oficial	cristianismu
División	ver Islas Berry (es) , Bimini, Black Point (es) , Isla Cat (es) , Ábaco Central (es) , Central Andros (es) , Central Eleuthera (es) , Freeport, Isla de Crooked (es) , East Grand Bahama (es) , Exuma (es) , Grand Cay (es) , Harbour Island, Hope Town, Inagua (es) , Isla Larga (es) , Cayo Mangrove (es) , Mayaguana (es) , Isla de Moore (es) , Ábaco Norte (es) , Andros Norte (es) , North Eleuthera, Isla Ragged (es) , Cayo Rum (es) , San Salvador (es) , Abaco Sul (es) , Andros Sur (es) , Eleuthera Sur (es) , Spanish Wells (es) , West Grand Bahama (es) , Nueva Providencia (es) y Acklins (en)
Rellaciones diplomátiques	ver Australia Taiwán República Popular China Xeorxa (13 mayu 2011) Alemaña Corea del Norte (16 mayu 1991) Hungría
Miembru de	ver Organización de les Naciones Xuníes (18 setiembre 1973) Mancomunidá de Naciones (1973)[1] Comunidá del Caribe (4 xunetu 1983) Bancu Internacional de Reconstrucción y Fomentu (21 agostu 1973) Asociación Internacional de Fomentu (23 xunu 2008) Corporación Financiera Internacional (8 avientu 1986) Organismu Multillateral de Garantía d'Inversiones (4 ochobre 1994) Centru Internacional d'Arreglu de Diferencies Relatives a Inversiones (18 payares 1995) Estaos d'África, del Caribe y del Pacíficu Organismu pa la Prohibición de les Armes Nucleares n'América Llatina y el Caribe Alianza de Pequeños Estados Insulares (es) Banco de Desarrollo del Caribe (es) Interpol (2 ochobre 1973)[2] Organización pa la Prohibición d'Armes Químiques (21 mayu 2009)[3] UNESCO (23 abril 1981)[4] Grupu d'Observaciones de la Tierra Xunión Postal Universal (24 abril 1974)[5] Xunión Internacional de Telecomunicaciones (19 agostu 1974)[6] Organización de los Estaos Americanos (1982) Organización Meteorolóxica Mundial (29 payares 1973)[7] Organización Mundial de la Salú [8] Axencia Internacional de les Enerxíes Renovables [9] Agencia Caribeña para el Manejo de Emergencias por Desastres (es) Organización Mundial d'Aduanes (16 agostu 1974)[10]
Xeografía
Coordenaes	25°00′N 77°24′W / 25°N 77.4°O / 25; -77.4
Superficie	13878 km²
% agua	28%
Costes	3.542 km
Llenda con	0 km
Puntu más altu	Monte Alvernia (es)
Puntu más baxu	Océanu Atlánticu
Demografía
Población	395 361 hab. (2017)
Densidá	28,49 hab/km²
Xentiliciu	bahamés (masculín singular) bahamesa (femenín singular)
Esperanza de vida	75,675 años
IDH	0,812 (2021)
Tasa de fertilidá	1,872 (2014)
Economía
Moneda	dólar bahamés
PIB nominal	11 527 600 000 $ (2021)
Bancu central	Bancu Central de Les Bahames
Más información
Dominiu d'Internet	.bs
Códigu telefónicu	+1242
Códigu ISO	044 / BHS / BS
Estaya horaria	UTC−05:00 y America/Nassau (en)
bahamas.gov.bs

Les Bahames ye'l llugar al qu'aportó Cristóbalo Colón nel so primer viaxe al Nuevu Mundu, en 1492. Daquella les islles taben habitaes polos lucayos, una tribu de la familia, de fala arauak, de los taíno. Magar que los españoles nunca nun colonizaron Les Bahames, apresaron y embarcaron a los sos habitantes pa que trabayaran como esclavos en La Española. Les islles tuvieron práuticamente desiertes dende 1513 a 1648, cuando colonos ingleses llegaos de Les Bermudes asentáronse na islla d'Eleuthera.

Les Bahames convirtiéronse nuna colonia británica en 1718, cuando los británicos empezaron a llucar escontra la piratería. Tres de la Guerra d'Independencia de los Estaos Xuníos la Corona británica reasentó a miles de llealistes nel archipiélagu; estos colonos traxeron a los sos esclavos con ellos y establecieron plantaciones nes tierres que-yos concedió la Corona. De magar, la población descendiente d'africanos ye la mayoritaria nel archipiélagu. El comerciu d'esclavos foi abolíu en 1807, y la esclavitú prohibida en Les Bahames en 1834. L'archipiélagu, de magar, convirtióse en llugar de refuxu pa esclavos llibertaos; la Marina británica asentó nelles a esclavos lliberaos de barcos esclavistes ilegales, pero tamién a otros que veníen d'América del Norte, a esclavos negros ya indíxenes seminola escapaos de Florida, y tamién a otros tresportaos en barcos estauxunidenses a los que les condiciones climatolóxiques acabaron llevando a estes islles. Anguaño, los bahameses d'orixe africanu representen cuasi'l 90% de la población.

Les Bahames convirtiéronse n'independientes en 1973, magar que formando parte de la Mancomunidá de Naciones (Commonwealth) y calteniendo la figura de la monarca británica, daquella y endagora Sabela II, como xefa del estáu. El país ye, midíu en productu interior brutu per cápita, ún de los países más ricos d'América, sobro la base d'una economía basada nel turismu y nos servicios financieros.