León Felipe

Felipe Camino Galicia (11 d'abril de 1884, Tábara – 18 de setiembre de 1968, Ciudá de Méxicu), más conocíu como León Felipe, foi un poeta, escritor, farmacéuticu, dramaturgu y traductor español.

León Felipe
Vida
Nacimientu	Tábara, 11 d'abril de 1884[1]
Nacionalidá	España
Llingua materna	castellanu
Muerte	Ciudá de Méxicu[2], 18 de setiembre de 1968[1] (84 años)
Familia
Padre	Higinio Camino de la Rosa
Madre	Valeriana Galicia Ayala
Estudios
Llingües falaes	castellanu inglés
Oficiu	poeta, escritor, farmacéuticu, dramaturgu, traductor
Trabayos destacaos	El ciervo (es)
Movimientu	Xeneración del 27
Xéneru artísticu	poesía

Axeitóu l'alcuñu León Felipe camudandu el sóu de Felipe Camino Galicia de la Rosa, que ye el vraeiro. Ñaciera nuna familia de notarios.

Tras recibise como farmacéutico, abandonóu el camín aposentáu ya burgués ya entamóu a ser vagamundu nuna vida perinchída de peripecias: la rexencia deillas farmacias en puebros d'España, percorriendu, lintres, el país como cómicu d'una compañía de teatru: el su ancierro na cárcel de tres años, convicto de desfalco; su enllaz fracasáu cola peruana Irene Lambarri, residiendu con eilla en Barcelona; la su vida bohemia na piyor de las pobrezas cacia 1919 en Madrid, cuandu emprincipiaba la su xera poética; dempués, tres años d'estancia en Guinea Ecuatorial trabayandu comu alministrador d'hospitales; viaxe en 1922 a Méxicu, con una carta de Alfonso Reyes que fará que altraviese las puortas pal ambiente inteleitual mexicano; trabayos de bibliotecario en Veracruz, ya de profesor de lliteratura española na Universidá de Cornell (EE.XX.); matrimoniu con Berta Gamboa, tamién profesora; torna a España al entamar la guerra civil, viviendu como militante republicano dica 1938, data u exilia dafechu en Méxicu, pasandu ser agregáu cultural de la embaxada de la República española nel exilio, única recoñecida entuences pul gobiernu mexicano.

Su obra suel asociase a la de Whitman, del que fou traduitor. Comparte con él el tono enérxico, de proclama y’arenga cuasi relixosa, ya’l impaciente cantu a la llibertá de quien tantu la guetóu.

Tras la res notoria celebración en 2004 del cientu venti aniversariu del su ñacimientu, inda hai partidarios de que seya reivindicáu León Felipe como un poeta mayor —atribuyese a Juan Ramón Jiménez el veredicto de que nun lu ye— superando las dificultaes qu' en vida deparanun-y la sua independencia de toas las corrientes lliterarias de la época ya la sua condición de exiliáu.