Hygrophorus agathosmus
Hygrophorus agathosmus, tamién conocíu como higróforo de golor prestoso,[2] ye un fungu basidiomicetu comestible de la familia Hygrophoraceae.[1] que forma asociaciones micorrícicas col pinu. Ye una cogorda bien común y suel atopáse-y en grandes cantidaes. El so cuerpu granible apruz dende finales de branu hasta mediaos de seronda.[2] El basónimu d'esta especie ye Agaricus agathosmus Fr. 1815,[1] y el so epítetu específicu agathosmus fai referencia al so prestosu golor.[2]
Hygrophorus agathosmus ![]() | ||
---|---|---|
![]() | ||
Clasificación científica | ||
Reinu: | Fungi | |
División: | Basidiomycota | |
Clas: | Agaricomycetes | |
Orde: | Agaricales | |
Familia: | Hygrophoraceae | |
Xéneru: | Hygrophorus | |
Especie: | H. agathosmus (Fr.) Fr. | |
Sinonimia | ||
| ||
Consultes | ||
[editar datos en Wikidata] |
Hygrophorus agathosmus Carauterístiques micolóxiques | ||
---|---|---|
Himeniu con llámines | ||
o esplanáu | ||
Les llámines son adnates | ||
El pie ta desnudu | ||
Espores de color blancu | ||
La ecoloxía ye micorriza | ||
[editar datos en Wikidata] |
Descripción
El cuerpu granible d'esti fungu presenta un sombreru d'unos 8 centímetros de diámetru, de forma convexa o acampanada n'exemplares nuevos, que toma forma esplanada col centru llixeramente fundíu conforme la cogorda madura. La cutícula ye glutinosa y llisa, y presenta un color abuxáu, gris verdosu o gris amarellentáu. Dacuando ye dafechu blancu. El cantu del sombreru ye más ablancazáu y endólcase llixeramente escontra l'interior. Les llámines tán bastante espaciadadas y dacuando horquilladas, son adnates y llixeramente decurrentes, y blanques n'exemplares xuveniles pa tomar un color gris maciu más tarde. El pie ye blancu y secu, cubiertu de pequeños falopos blancos o amarellentaos y mide unos 7 centímetros de llargor, daqué más anchu na base. La so carne ye blanca, aguacienta y bien blanda, con un llixeru y característicu golor a almendres amargoses y de sabor duce. La esporada en blanca.[2]
Posibilidaes de tracamundiu
La so cogorda ye bien similar a la de Hygrophorus cinthius, que crez en montes de monte y tien un pie fibrosu.[2]