Hope Davis

Davis, la segunda de tres hermanos, nació en Englewood, New Jersey, fía de Joan, una bibliotecaria, y William Davis, un inxenieru.^[3] Describió a la so madre como una "gran narradora de cuentos" que la llevaba a ella y a los sos hermanos a museos o "daqué cultural" cada domingu dempués de la ilesia.^[4][5] En 1982 graduóse na secundaria pública de Tenafly, New Jersey,^[6] y de neña foi amiga de Mira Sorvino, con quien escribió y actuó n'obres amateur.

Ta casada col actor Jon Patrick Walker. Tienen dos fíos, Xeorxa (nacida'l 31 d'agostu de 2002) y Mae (nacida'l 30 d'avientu de 2004).

Davis consiguió un títulu en ciencia cognitiva na Universidá de Vassar, pero depués fixo'l so debú como actriz dramática en Flatliners (1991), onde interpretó a la prometida de William Baldwin. Más tarde destacóse en películes independientes como The Daytrippers (1995) y Next Stop Wonderland (1998). Estes la catapultaron al cine de Hollywood, a películes como Arlington Road (1999) y About Schmidt (2002). Nel años 2003 protagonizó xunto a Paul Giamatti l'adaptación al cine del comic de Harvey Pekar, American Splendor, interpretando a la esposa de Pekar. Pol so desempeñu en dichu papel, Davis ganó'l premiu New York Film Critics Circle y foi nomada al Globu d'Oru como meyor actriz de repartu.

El so primer papel importante nel teatru foi na obra "Speed the Plow" de David Mamet, dirixida por Joel Schumacher (el so direutor en Flatliners) y protagonizada xunto a William Petersen nel Teatru Remains de Chicago en 1992. Más tarde protagonizaría Spinning Into Butter nel añu 2000 y Hope Leaves the Theater en 2005, escrita y empobinada por Charlie Kaufman. Esta producción, una pieza namái auditiva, foi estrenada en Brooklyn, NY, y el títulu fai referencia al personaxe de Davis "abandonando'l teatru". Volvió a los escenarios en 2009, na obra de Broadway God of Carnage xunto a Marcia Gay Harden, James Gandolfini y Jeff Daniels; por esti papel Davis foi nomada'l Premiu Tony como meyor actriz.

Mientres el 2009 formó parte del repartu de la segunda temporada de la serie dramática de HBO In treatment, protagonizada por Gabriel Byrne. Davis interpreta a Mia, una esitosa abogada que vuelve a terapia dempués de venti años d'ausencia por cuenta de la falta d'estabilidá de la so vida personal.

En 2001 formó parte del repartu de la serie Deadline de la NBC, interpretando a la ex esposa del personaxe d'Oliver Platt.

Anguaño (2012) forma parte del repartu de la serie The Newsroom interpretando a Nina Howard, una columnista de TMI que contribúi a mancillar el bon nome del periodismu fomentando'l cotilleo y la desinformación ellaborando artículos qu'ella denomina "de baltadera".

• Flatliners (1990)
• Home Alone (1990)
• Kiss of Death (1995)
• The Daytrippers (1996)
• Mr. Wrong (1996)
• The Myth of Fingerprints (1997)
• The Impostors (1998)
• Next Stop Wonderland (1998)
• Arlington Road (1999)
• Mumford (1999)
• Joe Gould's Secret (2000)
• Final (2001)
• Hearts in Atlantis (2001)
• Deadline (2001) (serie)
• About Schmidt (2002)
• The Secret Lives of Dentists (2003)
• American Splendor (2003)
• The Weather Man (2005)
• The Matador (2005)
• Duma (2005)
• Proof (2005)
• Infamous (2006)
• Six Degrees (2006) (serie)
• The Hoax (2007)
• The Nines (2007)
• Wild Card (2015)
• Charlie Bartlett (2007)
• Synecdoche, New York (2008)
• Genova (2008)
• The Lodger (2009)
• In treatment (2009) (serie)
• The Special Relationship (2010)
• Real Steel (2011)
• "Allegiance" (2015)
• Wayward Pines (2015)

• Hope Davis na Internet Movie Database (n'inglés)
• Hope Davis en Yahoo! Movies