HE 1327-2326
HE 1327-2326 (SPM3.2 4266486) ye una estrella na constelación d'Hidra de magnitú aparente +13,15.[7] Ta a una distancia máxima de 4000 años lluz del Sistema Solar.[8] Descubierta en 2005, ye la estrella conocida con menor bayura relativa de fierro.
![]() | |
---|---|
Population II star (en) ![]() ![]() | |
Descubridor | Anna Frebel |
Data de descubrimientu | 2005 |
Datos d'observación | |
Ascensión reuta (α) | 202,52474815917 °[2] |
Declinación (δ) | −23,697138618691 °[2] |
Distancia a la Tierra | 1126,253 pc |
Magnitú aparente (V) | 13,55 (banda V) |
Constelación | Hidra[4] |
Velocidá radial | 66,8 km/s[5] |
Parallax | 0,8879 mas[2] |
Gravedá superficial | 7400 cm/s²[5] |
Tipu espectral | CEMP-no[6] |
Otros nomes | |
Ver llista
| |
![]() |
13h 30m 5.94s, -23° 41′ 49.699″
HE 1327-2326 ye una estrella subxigante o de la secuencia principal,[9] catalogada na base de datos SIMBAD como estrella de carbonu.[7] La presencia de llinies CH nel so espectru[9] son carauterístiques d'una estrella CH.
HE 1327-2326, con una edá envalorada de más de 12.000 millones d'años, ye la estrella conocida más antigua de la Vía Lláctea.[10]Piénsase qu'esta reliquia cósmica pue tar en gran midida formada por elementos creaos nel gas caliente qu'esistió apenes 15 minutos dempués del Big Bang.[11]Ye un miembru de la Población estelar II, con una rellación ente fierro y hidróxenu ([Fe/H]) de -5,6. Dichu valor supón un conteníu de fierro 300.000 vegaes menor que nel Sol. El so conteníu de carbonu, bien alto en rellación al de fierro, ye aproximao una décima parte de la solar, [C/H] = -1,0. Coles mesmes, tratándose d'una estrella tan antigua, presenta una inesperada baxa bayura de litiu y una sobreabundancia d'estronciu.[9] Una posible esplicación ye qu'HE1327-2326 seya un sistema binariu; si la hipotética acompañante evolucionara enantes, sintetizaría metales más pesaos —incluyíu'l estronciu— que darréu, al desfacer de les sos capes esteriores, contaminaríen a HE 1327-2326.[11]