Guillermu I d'Alemaña

Segundu fíu del rei Federicu Guillermu III y de la duquesa Luisa de Mecklemburgu-Strelitz. En 1829 cásase cola princesa Augusta de Saxonia-Weimar-Eisenach y tuvo con ella dos fíos:

• Federicu (1831-1888), emperador d'Alemaña mientres 1888 (9 de marzu - 15 de xunu).
• Luisa de Prusia (1838-1923).

Sirvió nel exércitu prusianu dende 1814 y encamentáronse-y delles misiones diplomátiques dende 1815.

En 1857, el so hermanu'l rei Federicu Guillermu IV sufrió una crisis que-y xeneró problemes de salú mental hasta la so muerte. Un añu dempués, Guillermu tuvo que faese cargu de la rexencia de Prusia.

Al finar Federicu Guillermu IV ensin fíos varones, el 2 de xineru de 1861, Guillermu aportó al tronu de Prusia col nome de Guillermu I.

Antes de la rexencia nun interviniera en política. Yá nel tronu amosóse favorable a una política conservadora, designando como canciller a Otto von Bismarck (1862), que foi na práutica quien llevó les riendes de la política y del procesu d'unificación alemana.

Tres la Guerra franco-prusiana, Guillermu I de Prusia foi proclamáu Emperador alemán (y non Emperador d'Alemaña) el 18 de xineru de 1871 nel salón de los espeyos del Palaciu de Versalles. La Confederación Alemana del Norte (1867-1871) tresformar nel Imperiu alemán ("Kaiserreich", 1871-1918). Fundóse un únicu Estáu de calter federal col rei de Prusia como xefe d'Estáu, col títulu imperial y "presidente" o primus inter pares de los monarques que se federaron de los reinos de Baviera, Wurtemberg, Saxonia, el Gran Ducáu de Baden y el de Hesse. Tamién quedaron incorporaes les ciudaes llibres de Hamburgu, Lübeck y Bremen.

A la so muerte asocediólu'l so hijo Federicu III, pero por cuenta de un cáncer morrió a los trés meses de reináu, siendo asocedíu de la mesma pol so fíu Guillermu II, que trató d'asonsañar al so güelu nes xeres de gobiernu.

• 1797-1861: La so Alteza Real el príncipe Guillermu de Prusia
• 1861-1871: La so Maxestá el rei de Prusia
• 1871-1888: La so Maxestá Imperial y Real l'emperador d'Alemaña, rei de Prusia

La so Maxestá Imperial y Real Guillermu I, pola gracia de Dios, emperador d'Alemaña y rei de Prusia, margrave de Brandenburgu, burgrave de Núremberg, conde de Hohenzollern, duque soberanu y supremu de Silesia y del Condáu de Glatz; gran duque del Baxu Rin y de Posen, duque de Saxonia, de Westfalia, de Angria, de Pomerania, Lüneburg, Holstein y Schleswig, de Magdeburgu, de Bremen, de Gelderland, Kleve, de Jülich y Berg; duque de los Wendos y los Casubios, de Crossen, Lauenburgu y Mecklemburgu; landgrave de Hesse y Turinxa, margrave de l'Alta y Baxa Lusacia; príncipe d'Orange, príncipe de Rügen, de Frisia Oriental, de Paderborn y Pyrmont, de Halberstadt, Munster, Minden, Osnabrück, Hildesheim, de Verden, Cammin, Fulda, Nasáu y Moer; conde principescu de Honneberg, conde de Marcos, de Ravensberg, de Hohenstein, Tecklenburgu y Lingen, de Mansfeld, Sigmaringen y Veringen; señor de Frankfurt

• Reinu de Prusia

Predecesor: Títulu de nueva creación	Emperador d'Alemaña 1871 - 1888	Socesor: Federicu III
Predecesor: Federicu Guillermu IV	Rei de Prusia 1861 - 1888	Socesor: Federicu III

• Wikimedia Commons tien conteníu multimedia tocante a Guillermu I d'Alemaña.