Galemys pyrenaicus

Esta especie ye conocida nel dominiu llingüísticu asturlleonés colos siguientes nomes comunes: fedegosa^[2], aguanzón^[3], aguarón^[4], ratu de ríu^[5] y aguañón^[6].

La falcatrúa paezse anatómicamente a otros animales como l'aguarón, el topu o la musaraña. D'ende los nomatos de «aguarón d'agua», «topu d'agua» o «aguarón trompeteru».

Viven en pareyes y puen vivir alredor de 3,5 años. Tienen ente 11 y 16 cm de llargor y la cola mide ente 12 y 16 cm. Pesa ente 35 y 80 g.

Les pates traseres recuerden a les del aguarón; son robustes y axiloses, y les usa pa movese con rapidez pel agua. La parte delantera del cuerpu ye similar a la d'un topu; les pates delanteres tán afeches pa escargatar la tierra y faer llurigues onde cría a la so prole y ponse a salvu de les sos predadores. El focicu ye similar al de la musaraña, con una trompa bien desenvuelta que lu sirve p'atopar los bárabos de les que s'alimenta; ye un órganu bien perfeicionáu, indispensable pa la so sobrevivencia. Tien una glándula de almizcle nel arranque caudal.

La falcatrúa ibérica vive en ríos, riegues y llagos del norte de la península ibérica: norte de Portugal, Galicia, Montes Cantábricos, dambes aguaes de los Pirineos y en determinaes zones de los sistemes Ibéricu y Central.^[7]

Son animales abondo territoriales, que formen pareyes estables que controlen territorios d'ente 200 y 400 metros de calce. Pa llograr suxetar sos preses al fondu del cursu acuáticu usa sos fuertes uñes de pies y manes, mientres escargata col focicu ente les graveres.^[8] El so periodu de celu dase ente los meses de payares y mayu, y les femes paren dos vegaes al añu, con camaes de 1 a 5 críes per partu.^[9]