Freimut Börngen

Estudió les galaxes col telescopiu Schmidt del observatoriu Karl Schwarzschild en Tautenburg (Alemaña). Retiróse en 1995, anque siguió'l so trabayu d'astrónomu como aficionáu nel mesmu observatoriu.

Frutu del so trabayu afayó un gran númberu d'asteroides (519 hasta xunetu de 2006). Realizó la busca de los asteroides fora del so horariu de trabayu, yá que na antigua República Democrática d'Alemaña (RDA) nun se consideraba un asuntu d'abondu prestíu. Mientres el tiempu en qu'esistió l'estáu de la RDA, dio a los asteroides nomes neutros, como llugares de Turinxa o científicos y compositores famosos,^[2] pero tres la reunificación d'Alemaña escoyó nomes históricos, culturales, científicos y xeográficos, y honró a astrónomos aficionaos, a miembros de la resistencia mientres la Segunda Guerra Mundial o que tienen interés relixosu.^[3]

Börngen tien gran prestíu na comunidá astronómica internacional poles sos cualidaes humanes y la so bien fundada eleición de nomes. La Unión Astronómica Internacional punxo'l so nome al asteroide (3859) Börngen. En 2006 foi homenaxáu nel so país al dióse-y la Bundesverdienstkreuz am Bande (Cruz al Méritu) pol Presidente alemán Horst Köhler.

• Esta obra remanez de la traducción de Freimut Börngen de Wikipedia - inglés, concretamente d'esta versión del 8 d'abril de 2015, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.