España nos Xuegos Olímpicos de París 1900

Nel añu 2004, el Comité Olímpicu Internacional decidió reconsiderar el medayeru de los Xuegos Olímpicos de París 1900, que consistieron nuna socesión de competiciones y exhibiciones tanto profesionales como amateurs a lo llargo de los seis meses que duró la Esposición Universal de París, sol nome de Concursos internacionales d'exercicios físicos y deportes».^[1] Pa decidir cuales d'aquelles pruebes fueron olímpiques, el COI aplicó cuatro regles: amateur, internacional, ensin handicaps y de calter abiertu, siguiendo les indicaciones que l'historiador Bill Mallon publicó nel so llibru.^[2]

Poro, la medaya de plata de Pedro Pidal en «tiru al pichón», qu'hasta entós yera considerada como la primer medaya na hestoria del olimpismu español, foi refugada al ganala nuna competición profesional con 5.000 francos de premiu. Sicasí, reconocióse la medaya d'oru que los pelotaris Francisco Villota y José de Amézola ganaron en cesta punta, magar que nunca recibieron medaya y nin siquiamente compitieron, yá que los sos rivales, los franceses Durguetty y Etchegaray, nun se presentaron al discrepar coles normes de la organización, polo que los españoles fueron declaraos «campeones del mundu amateurs».^[3]

Na competición profesional de pelota vasca con 800 francos de premiu, Ángel Barrenechea y Juan Ituarte fueron declaraos «campeones del mundu profesional», ente qu'otra pareya formada por Elicegui y Abadiano terminó segunda. Otres medayes ensin reconocer pol COI seríen los dos d'oru que consiguió Luis de Errazu nes competiciones de polu nel Equipu Mestu.^[3]

El restu de competidores españoles fueron un ciclista llamáu Soler, el duque de Gor n'esgrima, y Antonio Vela Vivó, Orestes Quintana, Juan Camps Mas, José Fórmica-Corsi y Ricardo Margarit Calvet en remu.

L'equipu olímpicu español consiguió mientres los Xuegos les siguientes medayes:

Nome	Deporte	Competición	Fecha
Oru
Francisco VillotaJosé de Amézola	Pelota vasca	Cesta punta dobles	14 de mayu
Plata
—
Bronce
—

• () – Deporte que yá nun forma parte del programa olímpicu actual.

De los 17 deportes reconocíos pol COI nos Xuegos Olímpicos de branu, cuenta con representación española en 3 deportes: esgrima, pelota vasca y remu.

• Datos estrayíos de la base de datos de la páx. web SR/Olympic Sports (la páx. del COE nun da información precisa); cúntase solo'l númberu de deportistes que participaron nes sos respectrives pruebes, y non los que taben inscritos pero nun compitieron; sacante los deportes d'equipu, fútbol, polu y waterpolu, nos que s'amuesa'l númberu d'integrantes de cada equipu.^[5]

Namái hubo dos pareyes nel tornéu y la francesa nun se presentó al partíu al nun tar acordies coles normes de la organización, polo que los españoles llevaron el trunfu.

Deportista	Competición	Final	Puestu
Francisco VillotaJosé de Amézola	Cesta punta pareyes masculín	Maurice Durquetty (FRA) Etchegaray (FRA)

Nel cuatro con timonel clasificóse pa la final el primeru de cada serie y el meyor tiempu de los trés series, polo que los españoles que quedaron segundos de la so serie nun aportaron a la final.

• Xuegos Olímpicos de París 1900

• Páxina del COI (n'inglés)
• Base de datos olímpica (n'inglés)
• Reporte del COE

Predecesor: —

II Xuegos Olímpicos de Branu París 1900

Socesor: Amberes 1920