Desiertu árabe

El desiertu árabe ye una rexón desértica de la península arábiga, que cubre una estensión de cerca de 2.330.000 km², ocupando cuasi la totalidá de la península. El ser humanu moró nestos terrenos dende dómines del Pleistocenu.

Desiertu árabe
ٱلصَّحْرَاء ٱلْعَرَبِيَّة (ar)
Situación
Tipu	ermu
Parte de	masa de tierra (es)
Coordenaes	18°16′02″N 42°22′05″E / 18.2672°N 42.3681°E / 18.2672; 42.3681
Desiertu árabe Desiertu árabe (Arabia Saudita)
Datos
Puntu más altu	Jabal an Nabi Shu'ayb (es)
Superficie	2 330 000 km²
Llonxitú	2100 km

Asítiase na so mayor parte dientro d'Arabia Saudita, y otres grandes zones xacen escontra l'interior de Xordania, Iraq, Qatar, Baḥréin, Kuwait, Omán, Yeme y los Emiratos Árabes Xuníos. El so relieve vese alteriáu por una serie de cadenes montascoses, con elevaciones qu'algamen altores de 3.700 m y que llinden en trés fasteres con prominentes cantiles.

A lo menos un terciu del desiertu ta cubiertu por arenes, como los arenales del Rub al-Jali, que se considera tienen unu de los más inhóspitos climes del planeta. Nun esisten ellí cuerpos d'agua permanentes; sicasí, el sistema ripario Tigris-Éufrates anicia al nordeste y el Wadi Ḥajr ta allugáu escontra'l sur, en Yemen.