Denise Richards

Richards nació en Downers Grove, Illinois ye la fía de Joni, dueña d'una tienda de café y de Irv Richards, un inxenieru de teléfonos. Ye d'ascendencia galesa y croata. Tien una hermana, Michelle, y creció tanto en Mokena como en Downers Grove, Illinois. Graduóse en 1989 de la Escuela El Camín d'alta en Oceanside, California. Cuando yera neña, yera la "única moza del equipu de béisbol." Antes de ser actriz, Richards foi contratada por Judith Fontaine & Talent Agency como modelu.

Conocida pol so papel de Chica Bond en El mundu nunca ye abondu (1999) o Un San Valentín de muerte (2001), l'actriz actuó na sitcom Spin City y fixo un cameo en Seinfeld en 1993, onde interpretaba a una quinceañera -a pesar de que Denise, realmente, tenía 21 años- que seducía al personaxe de George Constanza col so escote. N'avientu de 2004 posó desnuda pa Playboy y un añu más tarde foi nomada, pola revista In Touch, como la ma más sexy. Tamién apaeció nel videoclip The Captain Of Her Heart (1986), de los suizos Double.

Ente 2008 y 2009 emitióse'l reality Denise Richards: It's complicated (Y!), onde pudo reparase cómo ye la vida diaria de Denise y tolos problemes que tien d'enfrentar dempués de la muerte de la so madre pola mor del cáncer, los paparazzis, los problemes colos sos asistentes o les fiestes. El programa foi atayáu na so segunda temporada por baxa audiencia.

A fines de setiembre de 2011 refugó una ufierta de cien mil dólares pa participar nun capítulu de Two and a Half Men onde tenía de participar nel funeral de Charles Francis Harper (papel de Charlie Sheen).^[3]

Casóse con Charlie Sheen en 2002, pero pidieron el divorciu en marzu de 2005. La pareya nun tardó en reconciliase y buscaron terapia de pareya pa iguar la so rellación. Al pie de él apaeció en Good Advice y Scary Movie 3, onde interpretaron a un matrimoniu nel cual ella resultaba pillada por un coche. Sicasí, el 4 de xineru de 2006 el representante d'ella anunció que siguiría col divorciu y pidió una orde d'alloñamientu contra él, citando les sos presuntes amenaces de muerte contra ella. La pareya tien dos fíos: Samantha Katherine (9 de marzu de 2004) y Lola Rose (1 de xunu de 2005). Amás, ella adoptó a un ñácaru.

Richards, que tamién salió col actor Patrick Muldoon, foi rellacionada col actor John Stamos, con quien salió nos sos años d'adolescencia y más apocayá col actor llatinoamericanu Walter Rayo.

Del 2007 hasta principios del 2012 caltuvo una rellación con Richie Sambora.

• Twisted (serie de televisión) 2013 Karen Desai
• Blue Lagoon: The Awakening 2012
• Kickin'It (TV Serie) 2012 (Un episodiu)
• Anger Management (serie de televisión) (2012) (un episodiu)
• Blue Mountain State (2010) (serie de televisión)
• Deep in the Valley (2009) (direutu a DVD)
• Finding Bliss (2008)
• Blonde and Blonder (2007)
• Edmond (2005)
• Si quiero, pero nun quiero (TV) (I do (But I don't)) (2004)
• Love tendeme (Elvis Has Left the Building) (2004)
• Yo, puta (2004)
• Two and a Half Men (2003),(2004)
• Scary Movie 3 (2003) (cameo)
• Love Actually (2003)
• El mio ex, la mio novia y yo (You Stupid Man) (2002)
• The Third Wheel (Una nueche perfecta) (2002)
• L'hermanu secretu (Undercover Brother) (2002)
• Empire (2002)
• Friends (2001) (un episodiu)
• Good Advice (2001)
• Un san Valentín de muerte (Valentine) (2001)
• Tail Lights Fade (1999)
• El mundu nunca ye abondu (The World Is Not Enough) (1999)
• Muérete, guapa (1999)
• Lookin' Italian (1998)
• Wild Things (Wild Things) (1998)
• Starship Troopers (1997)
• Nowhere (1997)
• In the Blink of an Eye (1996)
• Pier 66 (1996) (TV)
• 919 Fifth Avenue (1995)
• P.C.H. (1995)
• Tammy and the T-Rex (1994)
• Cola arma a puntu (Loaded Weapon 1) (1993)
• The Captain Of Her Heart - Double (1986) (Videoclip musical)

• Wikimedia Commons acueye conteníu multimedia sobre Denise Richards.
• Web oficial (n'inglés)
• Denise Richards na Internet Movie Database (n'inglés)
• Denise Richards at TriviaTribute.com