Centaurea scabiosa

Planta perenne, derecha, ríxida, de 45 cm d'altor, pocu ramificada y aspra. Poques cabezueles solitaries, arreyo globular, un pocu estrecháu sobre les flores, de 2 cm de diámetru, sobre un llargu y ríxidu pedúnculu formáu por munches bráctees trinagulares, anches y con cantu de color marrón bien escuru, cuasi negru, con escayos retorcigañaes. Les interiores más allargaes, tamién con una punta triangular escura y con lacinies retorcigañaes. De color verde con pelusilla blanca. La parte inferior del cantu cuasi tresparente. Les flores de color púrpura o rosa violáceo, en forma de tubu más abuitáu, les esteriores más llargues, cayíes sobre l'arreyo y estériles, los sos 5 lóbulos bien estrechos. En plena floraciçon la brocha de flores puede midir 4 cm de diámetru. Fueyes sentaes, con dellos pares de lóbulos oblongos, de cantu retorcigañáu, abarquillaes, aspres nos dos páxines polos numberosos elos curtios y ríxidos. Les inferiores de la roseta, peciolaes. el raigañu duru y rizomatusa.^[1]

En toa Europa sacante Albania, Bulgaria, Islandia, Grecia y Turquía.^[2]N'España en Castiella y Lleón. Vive n'escombreres, xunto a carreteres, sebes , riscos, cantos y llugares secos y cascayosos con campera dura. Floria pel branu y hasta la seronda.

Centaurea scabiosa describióse por Carolus Linnaeus y espublizóse en Species Plantarum 2: 840. 1753.^[3]

Citoloxía

Númberu de cromosomes de Centaurea scabiosa (Fam. Compositae) y táxones infraespecíficos: 2n=40^[4]

Etimoloxía

Centaurea: nome xenéricu que procede del Griegu kentauros, homes-caballos que conocíen les propiedaes de les plantes melecinales.

scabiosa: epítetu llatín que significa "rugosa".^[5]

Subespecies

• Centaurea scabiosa subsp. adpressa (Ledeb.) Gugler
• Centaurea scabiosa subsp. alpestris (Hegetschw.) Nyman
• Centaurea scabiosa subsp. apiculata (Ledeb.) Mikheev
• Centaurea scabiosa subsp. badensis (Tratt.) Gugler
• Centaurea scabiosa subsp. cephalariifolia (Willk.) Greuter
• Centaurea scabiosa subsp. fritschii (Hayek) Hayek
• Centaurea scabiosa subsp. grinensis (Reut.) Nyman
• Centaurea scabiosa subsp. integra Greuter
• Centaurea scabiosa subsp. menteyerica (Chaix) Nyman
• Centaurea scabiosa subsp. sadleriana (Janka) Asch. & Graebn.
• Centaurea scabiosa subsp. spinulosa (Spreng.) Arcang.
• Centaurea scabiosa subsp. tematinensis (Domin) Domin

Sinonimia

• Centaurea coriacea Willd.
• Centaurea scabiosa var. vertesensis (Boros) Soó
• Colymbada scabiosa (L.) Holub
• Colymbada scabiosa (L.) Rauschert^[6]

Nun hai conseñaos nomes comunes n'asturianu pa esta especie.

• Wikimedia Commons acueye conteníu multimedia sobre Centaurea scabiosa .