Carlos II d'España
Carlos II d'España, llamáu «l'Abruxáu» (6 de payares de 1661, Madrid – 1 de payares de 1700, Madrid), foi rei d'España ente 1665 y 1700.[nota 1][5]
Fíu y herederu de Felipe IV y de Mariana d'Austria, permaneció so la rexencia de la so madre hasta qu'algamó la mayoría d'edá en 1675. Anque'l so nomatu venía-y de l'atribución del so llamentable estáu físicu a la bruxería ya influencies diabóliques, ye probable que los socesivos matrimonios consanguíneos de la familia real causaren los sos graves problemes de salú, con síntomes como musculatura débil y infertilidad.[6] Dellos autores suxurieron que l'herederu carecía síndrome de Klinefelter. Tou ello acarretó un grave conflictu sucesoriu, al morrer ensin descendencia y escastase asina la caña española de los Habsburgu.
A Carlos II atribuyóse-y l'entamu de la decadencia española, pero una parte de la historiografía del sieglu XXI cuestionó tanto esto como la gravedá de la salú del monarca, quien al pie de los sos homes, llogró caltener intactu l'imperiu frente al poderíu francés de Lluis XIV, consiguió una de les mayores deflaciones de la historia, l'aumentu del poder adquisitivu nos sos reinos, la recuperación de les arques públiques, el fin de la fame y la paz. Por estos llogros, María Elvira Roca Barea consideralu un rei desconocíu, pero que foi quien empezó les reformes y llogró un bienestar que lapidaron llueu los borbones y autores como Luis Antonio Ribot García van dicir d'él «nin tan abruxáu nin tan decadente» y en delles rexones como Cataluña o Italia ye teníu como unu de los meyores reis españoles, por non dicir el meyor.[7][8]
Reináu de Carlos II (1665-1700)
Carlos II foi proclamáu rei en 1665, a los trés años.
Dada la falta de posteridá directa del Rei, empezó una complexa rede d'intrigues palaciegues en redol de la sucesión. Esti asuntu, convertíu en cuestión d'Estáu, consumió los esfuerzos de la diplomacia europea. Tres la muerte del herederu apautáu, José Fernando de Baviera, en 1699, el rei Carlos II fixo testamentu'l 3 d'ochobre de 1700 en favor de Felipe de Anjou, nietu de Lluis XIV de Francia y de la so hermana, la infanta María Teresa d'Austria (1638–1683), la mayor de les fíes de Felipe IV.[7] Esta candidatura yera sofitada pol cardenal Portocarrero. La clausa 13 del susodichu testamentu rezaba:
Carlos II, postreru de los Habsburgu españoles, finó'l 1 de payares de 1700, a los 38 años, anque aparentaba una mayor edá. Según el médicu forense, el cadabre de Carlos «nun tenía nin una sola gota de sangre, el corazón apaeció del tamañu d'un granu de pimienta, los pulmones escomíos, los intestinos podrientos y cangrenaos, tenía un solu testículu negru como'l carbón y la cabeza llena d'agua».[9]
Notes
Referencies
Enllaces esternos
Wikimedia Commons acueye conteníu multimedia sobre Carlos II d'España 
.
| Predecesor: Felipe IV |  Rei d'España, Rei de Nápoles, Rei de Sicilia y Rei de Cerdeña Soberano de los Países Baxos Duque de Milán 1665-1700 1665 - 1700 | Socesor: Felipe V |
Datos: Q36174- Multimedia: Charles II of Spain
Testos: Autor:Carlos II de España
