Carl Anton Larsen

Carl Anton Larsen (7 d'agostu de 1860, Larvik – 8 d'avientu de 1924, Mar de Ross) foi un esplorador antárticu y balleneru noruegu y el fundador de Grytviken na islla Xeorxa del Sur.^[4] La barrera de xelu Larsen foi nomada asina nel so honor.

Carl Anton Larsen
Vida
Nacimientu	Larvik, 7 d'agostu de 1860[1]
Nacionalidá	Noruega
Muerte	Mar de Ross[2], 8 d'avientu de 1924[3] (64 años)
Familia
Fíos/es	Nora Widmark Margit Kohl-Larsen
Oficiu	esplorador, balleneru
Participante Expedición Antártica Sueca (es)

Larsen abandonó la escuela a la edá de 14 años pa xunise a so padre como marín, llogrando a los 20 años la llicencia de navegante. Tamién na mocedá, gracies a tener vivío n'Inglaterra, y a apreciar la importancia de los idiomes, aprendió inglés y español de manera autodidauta.

Larsen dirixó una espedición a L'Antártida, al mandu del barcu Jason, de 1892 a 1894.^[5] En 1893 convirtióse na primer persona n'esquiar en L'Antártida. En 1895 yera capitán d'un barcu balleneru. Más tarde capitanió'l barcu Antarctic, como parte de la Espedición Antártica Sueca de 1901-1904 dirixida por Otto Nordenskjöld.^[6] A lo llargo d'esa misión dellos de los miembros de la so tripulación ivernaron diez meses na Islla Snow Hill,^[7] y depués el so barcu quedó atrapáu polos xelos, él y la so tripulación esperaron l'iviernu (1903) na Islla Paulet, sobreviviendo a base de comer pingüinos y foques hasta ser rescataos pol barcu arxentín ARA 'Corbeta Uruguay'.

Depués de permanecer n'Arxentina, con capitanes arxentinos, fundó la primer corporación ballenera antártica, la Compañía Argentina de Pesca, y en 1910, adoptó la ciudadanía británica xunto cola so familia.^[8][9]