Brie Larson

Larson nació en Sacramento, California, fía de Sylvain y Heather Desaulniers.^[7] Los sos padres yeren quiropráuticos y exercíen xuntos.^[8] Cuando se separtaron mientres la so infancia, treslladóse a Los Angeles cola so madre y la so hermana. Dempués de la so educación en casa,^[9] estudió actuación nel American Conservatory Theater en San Francisco.^[10][11][12]

Los sos güelos paternos yeren d'orixe francu-canadiense, de Manitoba. La so güela paterna, Gabrielle Desaulniers, morrió n'avientu de 2015.^[13]Cuando creció, la primer llingua de Larson yera l'francés.^[14] Brie declaró nuna entrevista qu'ella escoyó "Larson", como'l so nome artísticu del apellíu de soltera de la so bisagüela sueca, yá que'l so apellíu yera enforma malu de pronunciar.^[15]Ella declaró en The Tonight Show Starring Jimmy Fallon que tomó'l so nome artísticu de Kirsten Larson, una muñeca d'American Girl que recibió de neña.^[16][17]

El primer trabayu de Larson foi faciendo sketches nel programa The Tonight Show with Jay Leno.^[18] Poco dempués, tuvo na serie de televisión Schimmel, que nunca foi tresmitida por que la so estrella, Robert Schimmel, foi diagnosticada de cáncer poco primero d'empezar el rodaxe.^[19] Dempués de que tuvo "n'espera" mientres diez meses, Fox atayó'l show. Larson dempués fixo una audición pa un nuevu show pal The WB en In Your Dreams, y consiguió'l papel del personaxe de la fía menor de Bob Saget, Emily. L'espectáculu foi escoyíu pal periodu 2001-02 de seronda, y camudóse-y'l nome por Raising Dad. Entós foi encaboxada dempués de 27 episodios. Larson tamién foi escoyida pal pilotu de la comedia de ABC Hope & Faith, pero ella y dellos otros miembros del repartu foron retiraos dempués de que'l pilotu nun s'emitiera.

En 2003, protagonizó xunto a Beverley Mitchell, la película orixinal de Disney Channel, Right on Track. En xunetu de 2004, coprotagonizó con un gran repartu d'actores adolescentes la película Sleepover.^[20]Tamién tuvo un pequeñu papel na película 13 Going on 30.^[21] Larson apaeció na película de 2006 Hoot, xunto a Logan Lerman y Cody Linley. Emprestó la so voz na película de Farce of the Penguins como una pingüina adolescente. Interpretó a Angie na comedia dramática de 2007, Remember the Daze y tamién apaeció nel curtiumetraxe de 2008 "The Babysitter", escrita y dirixida por David H. Steinberg. Apaeció nun episodiu de Ghost Whisperer en xineru de 2008, y tamién tuvo un papel como Kate na película de 2008: Tanner Hall, dirixida por Francesca Gregorini y Tatiana von Fürstenberg. Larson interpretó'l personaxe de Kate Gregson na serie de Showtime: United States of Tara. La serie estrenóse'l 18 de xineru de 2009 y nun s'anovó dempués de la so tercer temporada. El final de temporada emitióse'l 20 de xunu de 2011.^[22]

En 2012, Larson interpretó a Molly na adautación cinematográfica de la popular serie de televisión de 1980: 21 Jump Street, coprotagonizada por Jonah Hill y Channing Tatum. En 2013, ella foi una estrella convidada interpretando a Rachel nun episodiu de la serie Community, titulada "Herstory of Dance",^[23] y otra vegada nel episodiu "Analysis of Cork-Based Networking" al añu siguiente. En 2013, protagonizó Short Term 12.^[24][25] Apaeció como convidada en The Late Late Show with Craig Ferguson delles vegaes ente 2010 y 2013.^[26]

En 2015, Larson interpretó a la hermana del personaxe d'Amy Schumer en Trainwreck. Tamién actuó en Room, una película afecha de la novela del mesmu nome d'Emma Donoghue. La película proyeutóse nel Festival Internacional de Cine de Toronto, y empezó'l so estrenu'l 16 d'ochobre de 2015. Recibió aponderamientos de la crítica, sobremanera pola actuación de Larson, lo que-y valió dellos premios, incluyendo'l Premiu Oscar a la meyor actriz, asina como tamién un Globu d'Oru y un Premiu BAFTA.

Larson xunióse al repartu de Kong: Skull Island, xunto a Samuel L. Jackson y Tom Hiddleston col rodaxe que tuvo llugar en Queensland, Australia.^[27]

En 2016, confirmóse que Larson diba xunise col so direutor de Short Term 12, Destin Daniel Cretton, pa The Glass Castle. El guión de la Lionsgate ye una adautación de les memories de Jeannette Walls. Cunta la hestoria d'una esitosa muyer moza, que foi criada polos sos padres disfuncionales y non conformistes. El so mundu tórnase del revés cuando se treslladen a Nueva York pa tar cerca d'ella. Woody Harrelson ta nel repartu como'l padre alcohólicu de la muyer y Naomi Watts fizo d'excéntrica madre de Larson. El proyeutu entamó la producción en Montreal alredor de xunu de 2016.^[28]

Nesi mesmu añu, confirmóse que Larson sería la encargada de da-y vida a Capitana Marvel, la nueva cinta que la so fecha d'estrenu n'Estaos Xuníos fízose'l 8 de marzu del 2019. Repitió'l so papel de Capitana Marvel en Avengers: Endgame, película estrenada en 2019.

Larson punxo en marcha la so carrera como cantante y compositora y dempués llanzó'l so álbum debú nun sellu discográficu en 2005. Dende entós actuó en conciertos en direutu nos Estaos Xuníos. Un segundu discu salió a la producción y terminóse pero enxamás tuvo'l so estrenu. Más apocayá, Larson reveló que tenía planes pa llanzar un EP, que tamién nunca llegó al públicu. En 2010, interpretó'l cantar "Black Sheep", xunto cola banda Metric na película de Scott Pilgrim vs. The World.^[29]

El so interés en ser una cantante empezó a principios de 2003, cuando s'empezó a promover los sos cantares al traviés de la so páxina web personal y amosaba interés n'estrenar un álbum. La primera penerada foi "Go Goodbye", un cantar sobre "dos grandes persones qu'a cencielles nun tán perbién xuntos", nes sos propies pallabres^[30] y xunto con "Invisible Girl", foron les pistes que llevaron a Larson pa roblar un contratu de rexistru, dalgún tiempu dempués con Casablanca Records,^[31] y con Universal Records. Dambos cantares escribiéronse y produxéronse cola ayuda de Michael Binikos y Craig Bartock.^[32]En 2003, peneróse otra pista, "Not a Freak" y esta vegada hubo inclusive un videu musical pa esi cantar y que taba disponible pa la so compra en llinia.^[33]A finales de primavera de 2004, quitáronse tolos cantares de la so páxina web por cuenta de les restricciones de contratu de Casablanca y taba nel procesu de grabación de nuevos cantares pal so primer álbum.^[34]

N'ochobre d'esi mesmu añu, la so disposición a llanzar un álbum averábase y "She Said", taba disponible pa escuchar al traviés de la so páxina web oficial el primer cenciellu del so álbum debú entá ensin ser llanzáu a nesi momentu^[35] ganando un llanzamientu oficial en iTunes n'avientu^[36] y foi unviada a la radio en tol país nel mes siguiente.^[37]A pesar de ser el númberu 99 pa un CD de mayor venta nel país en 2005, según SoundScan y algamando el númberu 31 nel Billboard Hot 100 de ventes individuales, el cantar nun llogró algamar el Top 40 de los cantares más reproducíos nel país, recibiendo baxa cobertoria radiofónica. Tamién grabó actuaciones en direutu pa AOL Sessions el 11 d'ochobre de 2004.^[38]

Larson caltién una rellación sentimental col cantante de rock californianu Alex Greenwald, exvocalista de la banda Phantom Planet.^[39][40] Nuna entrevista nel diariu español El Confidencial, afirmó: «Dambos compartimos un gran amor pol arte y pola hestoria, especialmente pola Renacencia».

Ye vegana, y lleva a cabu una dieta ensin gluten.^[41] En febreru de 2016, nuna entrevista cola revista Elle, Larson reveló que lleva más de diez años ensin falar col so padre.^[42]

• 2005: Finally Out of P.E.^[54]

• Sitiu oficial
• Ficha de Brie Larson na Internet Movie Database (n'inglés)
• Brie Larson en Myspace
• Brie Larson n'Instagram
• Brie Larson en Twitter