Boeing 747-8

• 747-8 Freighter o 747-8F: versión pal tresporte de carga.
• 747-8 Intercontinental o 747-8I: versión pal tresporte de pasaxeros.

El 747-8 ye una evolución del Boeing 747 que saca partíu de les meyores teunolóxiques y aerodinámiques disponibles anguaño. Los dos variantes del 747-8 tienen un fuselaxe 5,6 metros más llargu que'l 747-400, midiendo 76,3 metros en total. Esto convierte al 747-8 nel avión de pasaxeros más llargu del mundu, superando al Airbus A340-600 por 90 centímetros aproximao.^[3][4] Con un pesu máximu al despegue de 447 tonelaes,^[5] el 747-8 ye l'avión más pesáu, yá seya comercial o militar, que se fabricara nos Estaos Xuníos.^[4]

En comparanza col 747-400, los principales cambeos tuvieron llugar nes ales, que s'han rediseñáu dafechu. P'amenorgar costos caltúvose la estructura básica de les ales y la so configuración en flecha. Sicasí les ales son más grueses y fondes. El coeficiente de presión y el momentu flector son distintos. El nuevu diseñu d'ales dexa a la versión de pasaxeros del 747-8 contener 242.470 llitros de combustible, ente que la versión de carga puede contener 229.980 llitros.^[5] Puesto que el llargor de les ales amontóse, esti avión, al igual que l'Airbus A380,^[6] tien d'operar n'aeropuerto categoría F en cuenta de categoría Y.^[7] Les nueves ales tienen un flap de ranurado simple esterior y flaps interiores ranurados dobles.

Les ales nun usen winglets nes sos puntes como nel 747-400, sinón qu'éstes tienen forma de raked wingtip similares a les que s'usen nos aviones Boeing 767-400, 777-200LR, 777-300ER y 787-8-9^[8][9]Estes estructures na punta de les ales dexen amenorgar los vórtices que se formen nos cantos llaterales de les ales. D'esta forma apangar les turbulencias que dexa tras l'avión al so pasu, al empar d'amenorgar la resistencia aerodinámica. Tou esto trai de resultes una meyora de la eficiencia nel consumu de combustible.

EL 747-8 tamién introduz la teunoloxía fly-by-wire na mayoría de los controles llaterales.^[10]

La capacidá extra de los depósitos de combustible nes ales sobre la que tien el 747-400 esanicia la necesidá de camudar l'estabilizador horizontal p'almacenar combustible auxiliar, lo que tamién aforra costos.^[11] L'estabilizador vertical permanez ensin cambeos importantes con un altor de 19,35 metros.^[5] El timón inferior camudó d'un modelu xunta única a unu con dos xuntes p'amontar el so efeutu en casu de que fallen dos motores del mesmu llau al empar. P'amenorgar pesu, el fuselaxe del 747-8 utiliza daqué de fibra de carbonu. Sicasí, los cambeos estructurales son más bien evolutivos y non revolucionarios en rellación col 747-400.

L'únicu motor disponible pal 747-8 ye'l General Electric GEnx, unu de los dos motores que puede llevar el Boeing 787.

Situación a 31 de xunetu de 2017^{[12][13][14][15]}

• Boeing 747
• Boeing 747-400
• Airbus A380
• Llista d'aeronaves más grandes

• Wikimedia Commons acueye conteníu multimedia sobre Boeing 747-8.
• Videu del primer vuelu del Boeing Jumbo 747-8

N'inglés

• Boeing 747-8 en Boeing.com
• Boeing 747-8, The Shape of the Future on NewAirplane.com
• Boeing 747-8 Intercontinental Airliner on Aerospace-Technology.com