Myanmar

Myanmar^[10], oficialmente Pyidaunzu Thanmăda Myăma Nainngandaw (República de la Xunión de Myanmar) y anteriormente conocíu como Birmania,^[11] ye un estáu soberanu del sureste d'Asia. Llenda con India y Bangladex al oeste, con Tailandia y Laos al este y con China al norte y noreste. Hacia'l sur la so llinia costera, que da al mar d'Andamán y la badea de Bengala, tiene una estensión de 1.930 km. La so población, según el censu de 2014, yera de 51 millones d'habitantes^[12] , y estímase que pa 2017 aumentó hasta los 54 millones^[13]. El país, que tien una estensión de 676.578 km², tien la so capital en Naypyidaw; la so ciudá más poblada ye l'antigua capital, Yangon (Rangún). El país ye miembru de l'Asociación de Naciones del Sureste Asiáticu (ASEAN) dende 1997.

Myanmar
estáu soberanu
Bandera de Myanmar escudu de Myanmar
Lema nacional	«La felicidá alcuéntrase nuna vida harmoniosamente disciplinada» (en Birmanu)
Himnu nacional	Gba Majay Bma (es)
Alministración
Nome oficial	Republic of the Union of Myanmar (en) Repubblica dell'Unione della Birmania (it) Республика Союз Мьянма (ru) Union of Myanmar (en) Socialist Republic of the Union of Burma (en) Union of Burma (en) မြန်မာနိုင်ငံ (my) Мьянма (ru) Бирма (ru) République de l’Union de Birmanie (fr) République de l’Union de Birmanie (fr) República de la Unión de Myanmar (es)
Capital	Naypyidaw (dende 6 payares 2005)
Forma de gobiernu	República
Presidente de Myanmar	Myint Swe (dende 1r febreru 2021)
Consejo Administrativo del Estado (es)	Min Aung Hlaing (dende 1r febreru 2021)
Llingües oficiales	birmanu
División	ver Rakhine (es) , Chin (es) , Estado Kachin (es) , Shan (es) , Kayah (es) , Kayin (es) , Estado Mon (es) , Región de Sagaing (es) , Tanintharyi (es) , Ayeyarwady (es) , Región de Yangon (es) , Bago (es) , Magway (es) , Rexón de Mandalay, Territorio de la Unión de Naipyidó (es) , Danu Self-Administered Zone (en) , Kokang Self-Administered Zone (en) , Naga Self-Administered Zone (en) , Pa-O Self-Administered Zone (en) , Pa Laung Self-Administered Zone (en) y Wa Self-Administered Division (en)
Rellaciones diplomátiques	ver Australia Santa Sede Israel Serbia Indonesia Dinamarca Francia India Malasia Brunei Darussalam Taiwán Filipines Estaos Xuníos Rusia República Popular China Bangladex Alemaña Corea del Norte (1975)
Miembru de	ver Organización de les Naciones Xuníes (19 abril 1948) Asociación de Naciones del Sureste Asiáticu (23 xunetu 1997) Organización Mundial del Comerciu Bancu Internacional de Reconstrucción y Fomentu (3 xineru 1952) Asociación Internacional de Fomentu (5 payares 1962) Corporación Financiera Internacional (3 avientu 1956) Organismu Multillateral de Garantía d'Inversiones (16 avientu 2013) ASEAN Regional Forum (en) Bancu Asiáticu de Desarrollu (1973) Iniciativa de la Bahía de Bengala para la Cooperación Técnica y Económica Multisectorial (es) Interpol (1 xineru 1954)[1] Organización pa la Prohibición d'Armes Químiques (7 agostu 2015)[2] Organización Hidrográfica Internacional [3] UNESCO (27 xunu 1949)[4] Xunión Postal Universal (4 ochobre 1949)[5] Xunión Internacional de Telecomunicaciones (15 setiembre 1937)[6] Organización Meteorolóxica Mundial (19 agostu 1949)[7] Organización Mundial de la Salú [8] Organización Mundial d'Aduanes (25 marzu 1991)[9]
Xeografía
Coordenaes	22°N 96°E / 22°N 96°E / 22; 96
Superficie	676577.2 km²
% agua	3,06
Costes	1.932 km
Llenda con	5.876 km
Puntu más altu	Hkakabo Razi (es)
Puntu más baxu	Océanu Índicu
Demografía
Población	53 370 609 hab. (2017)
Densidá	78,88 hab/km²
Xentiliciu	de Myanmar (masculín singular, femenín singular)
Esperanza de vida	69,62 años
IDH	0,585 (2021)
Tasa de fertilidá	2,05 (2021)
Economía
Moneda	Kyat
PIB nominal	65 124 769 602 $ (2021)
Bancu central	Banco Central de Myanmar (es)
Más información
Dominiu d'Internet	.mm
Códigu telefónicu	+95
Códigu ISO	104 / MMR y BUR / MM y BU
Estaya horaria	UTC+06:30 y Asia/Yangon (en)
myanmar.gov.mm…

Les civilizaciones más antigües de les qu'hai rastru nel territoriu del actual Myanmar inclúin la civilización pyu, na Alta Birmania, y los reinos Mon na Birmania Baxa^[14] . Nel sieglu IX los Bamar aportaron a la conca alta del ríu Irawadi, y, tres del establecimientu del reinu de Pagan na década del 1050, la llingua y la cultura birmanes y el budismu Theravada foron convirtiéndose, seliquino, nos dominantes nel país. Les invasiones mongoles punxeron fin al reinu de Pagan, y abrió una dómina na que convivieron dellos reinos que batallaben ente sí pol control del territoriu. La rexunificación tuvo llugar nel sieglu XVI, de manes de la dinastía Toungoo, que fizo del país, por un curtiu periodu de tiempu, el mayor imperiu de la historia de la fastera continental del Asia suroriental. A primeros del sieglu XIX la dinastía Konbaung gobernó, amás del territoriu del actual Myanmar, partes de Manipur y Assam. Los británicos tomaron el control del país nel sieglu XIX, tres de trés guerres, y convirtiéronlu nuna colonia. Myanmar algamó la independencia en 1948, con un sistema democráticu de gobiernu. Sicasí, tres d'un golpe d'estáu en 1962, instaurose una dictadura militar dirixida pol Partíu del Programa Socialista de Myanmar.

De magar la independencia el país vive nún continuu conflictu ente los milenta grupos étnicos que lu pueblan, no que ye una de les guerres civiles más llargues del mundu, na que les Naciones Xuníes y otres organizaciones humanitaries tienen denunciao violaciones sistemátiques de los derechos humanos del país^[15]. En 2011 la xunta militar que dirixía'l país foi oficialmente disuelta, y sustituyida por un gobiernu nominalmente civil elixíu nunes eleiciones en 2010. Esto, xunto a la lliberación d'Aung San Suu Kyi y otros prisioneros políticos, ameyoró la situación de los derechos humanos, y consecuentemente de les rellaciones esteriores del país, al que se-y llevantaron delles sanciones económiques y comerciales que soportaba^[16]. Sicasí, continúen les crítiques sobre la forma na que'l gobiernu trata a les distintes minoríes étniques, les revueltes étniques y les lluches relixoses^[17]. Nes eleiciones de 2015 el partíu d'Aung San Suu Kyi alcanzó la mayoría nes dos cámeres llexislatives. Sicasí, el poder del exércitu sigue siendo una poderosa fuercia política nel país.

Myanmar ye un país con bayura de recursos minerales: xade, xemes, petroleu, gas natural... La riqueza del país, por embargu, ta permal repartida, y el país tien una de les mayores diferencies d'ingresos ente los sos habitantes del mundu, una y bones la mayoría de la riqueza ta en manes de persones que sofitaran l'antiguu gobiernu militar^[18]. En 2016 Myanmar ocupa'l puestu 145 (d'un total de 188) ente les naciones del mundu no que cinca al so nivel de desarrollu humanu, según el Índiz de Desarrollu Humanu.