Arthur Melo (12 d'agostu de 1996, Goiânia) ye un futbolista brasilanu que xuega de centrocampista nel ACF Fiorentina de la Serie A.
Nacíu en Goiania, Arthur empezó nel 2008 nel fútbol nes categoríes inferiores del Goiás Esporte Clube, pa depués siguir la so formación, en Porto Alegre.
Nel añu 2015 foi promovíu al primer equipu por Luiz Felipe Scolari, téunicu del Grêmio por esi entós. Darréu fixo'l so debú profesional, y como titular, ante'l Aimoré, pol Campeonatu Gaúcho. Sicasí, nun volvería xugar hasta l'añu 2016.
Recién el 2017 volveríase una pieza fundamental del primer equipu del Grêmio, tantu nel Campeonatu Gaúcho como nel Brasileirao. De la mesma, fadría'l so debú internacional na Copa Libertadores 2017 nel empate 1-1 con Club Guaraní, onde sería nomáu como la figura del partíu. En mayu convertiría'l so primer gol profesional pola Copa de Brasil ante'l Fluminense. En xunetu marcaría'l so primer gol lligueru na victoria 3-1 ante Esporte Clube Vitória.
Na Copa Libertadores 2017 sería una pieza fundamental del Grêmio que saldría campeón de la copa, al puntu de ser escoyíu'l MVP de la final ante'l Club Atlético Lanús. Les sos bones actuaciones na Copa y nos torneos domésticos, y les sos carauterístiques de xuegu, llevaron a que seya definíu como'l nuevu Xavi Hernández .[2] , amás d'almirar a Andrés Iniesta, y que dellos xigantes europeos, ente ellos el Futbol Club Barcelona, pretender. Ello ye que Roberto Fernández Bonillo, actual secretariu téunicu del equipu catalán y ex xugador del mesmu, viaxó a ver los dos partíos de la final de la Copa Libertadores. [3] Robló'l so nuevu contratu con Grêmio hasta 2021, teniendo una clausa de rescisión de 50 millones d'euros. Sicasí, el so pase pertenez nun 60% al Grêmio y nun 40% ente'l mesmu xugador y el so representante.
El 6 de xunetu de 2018 va anunciase un alcuerdu ente'l FC Barcelona y el Grêmio de Porto Alegre pol trespasu del xugador a les files Cules.
Arthur representó a Brasil na seleiciones Sub-17 y Sub-20, xugando inclusive'l Campeonatu Suramericanu de Fútbol Sub-17 de 2013. El 15 de setiembre de 2017 foi convocáu a la seleición mayor de Brasil pa los partíos ante Chile y Bolivia pola Clasificación de Conmebol pa la Copa Mundial de Fútbol de 2018, anque nun llegaría a debutar.