L'Aeropuertu Internacional de Moscú-Vnúkovo (en rusu Международный аэропорт Москва-Внуково) (IATA: VKO, OACI: UUWW), ye un aeropuertu internacional alcontráu a 28 quilómetros al suroeste del centru de Moscú, Rusia. Ye'l tercer gran aeropuertu del área metropolitana de Moscú xunto col Aeropuertu de Moscú-Sheremétievo y l'Aeropuertu Internacional de Moscú-Domodédovo. En 2015 l'aeropuertu tresportó a 15.815.000 pasaxeros.[1]
Ye l'aeropuertu más antiguu entá operativu del área metropolitana de Moscú. Foi construyíu pol gobiernu soviéticu a partir de 1937, debíu a la llena de tráficu del antiguu Aeropuertu Jodynka, asitiáu mui cerca del centru de la ciudá. Foi inauguráu'l 1 de xunetu de 1941.
L'espaciu aereu ta controláu dende'l FIR de Moscú (ICAO: UUWV).[2]
L'aeropuertu de Vnúkovo dispón de dos pistes cruciaes d'asfaltu. Una d'elles, con direición 06/24, de 3.000x60 m (9.842x197 pies),[3] tien un pavimentu de tipu 100/R/C/X/T.[4] La otra pista tien direición 02/20, mide 3.060x60 m (3.060x60 pies) y tien un pavimentu del tipu 50/R/A/W/T.[4] Esta postrera permanez cerrada dende l'añu 2005.
Dambes pistes cunten con estensiones de seguridá de 10 m nos llaterales.