Adelaida de Hohenlohe-Langenburg

En 1852, poco tiempu dempués de convertise n'emperador de Francia, fíxose una propuesta a los sos padres pidiendo la mano a favor de Napoleón III. Anque los dos nunca s'habíen vistu, les ventayes polítiques pal emperador yeren innegables, dende'l puntu de vista internacional podríen traer un alcuerdu ente Francia y el Reinu Xuníu, amás de emparentar a los Bonaparte con una dinastía respetable. Por cuenta de que la novia yera, oficialmente, una princesa alemana menor y asina mesmu miembru de la familia real británica, el riesgu de refuga yera pequeñu y la novia podía tar estimada yá qu'en cuenta de un matrimoniu real namái tendría que convertise al catolicismu.

Ello ye que la propuesta espantó a la reina Victoria y cafió al príncipe consorte, que nun quería dar una llexitimidá pública al réxime políticu de Francia, amás considerábase que la so duración sería curtia. La corte británica caltuvo estrictu silenciu escontra la familia Hohenlohe mientres les negociaciones del matrimoniu, el so propósitu yera manifestar el refugu de la reina Victoria escontra la idea que Napoleón III aportara al so sobrín políticu.

Los sos padres, entendiendo'l desinterés británicu como una desaprobación, tornaron la ufierta matrimonial francesa dexando ablayada a la so nueva fía de 16 años. Entá considerando qu'esta primer negativa pudo ser una estratexa de la familia Hohenlohe pa llograr una posición más ventaxosa con al respective de la so fía, el fechu foi que Napoleón escaeció los sos planes cola princesa Adelaida y dirixó'l so interés escontra la virtuosa condesa de Teba.^[6]

El 11 de setiembre de 1856, Adelaida casóse con Federico VIII, duque de Schleswig-Holstein. Fueron padres de siete fíos:^[7]

• Federico, príncipe de Schleswig-Holstein-Sonderburg-Augustenburg (3 d'agostu de 1857- 29 d'ochobre de 1858).
• Augusta Victoria de Schleswig-Holstein (22 d'ochobre de 1858 - 11 d'abril de 1921). Casada con Guillermu II d'Alemaña.
• Carolina Matilde de Schleswig-Holstein-Sonderburg-Augustenburg (25 de xineru de 1860 - 20 de febreru de 1932). Casada con Federico Fernando de Schleswig-Holstein. El so maríu foi fíu de Federico, duque de Schleswig-Holstein-Sonderburg-Glücksburg, de la mesma segundu fíu de Federico Guillermo de Schleswig-Holstein-Sonderburg-Glücksburg y Luisa Carolina de Hesse-Kassel (o Hesse-Kassel).
• Gerardo, príncipe de Schleswig-Holstein-Sonderburg-Augustenburg (20 de xineru - 11 d'abril de 1862).
• Ernesto Gunter, duque de Schleswig-Holstein (11 d'agostu de 1862 - 21 de febreru de 1921).
• Luisa Sofía de Schleswig-Holstein-Sonderburg-Augustenburg (8 d'abril de 1866 - 28 d'abril de 1952). Casada col príncipe Federico Leopoldo de Prusia. Esti postreru yera bisnietu per llinia paterna de Federico Guillermu III de Prusia.
• Feodora Adelaida, princesa de Schleswig-Holstein-Sonderburg-Augustenburg (3 de xunetu de 1874 - 21 de xunu de 1910).

Una pequeña islla na Tierra de Francisco José, islla Adelaida, foi llamada nel so honor Princesa Adelaida pola Espedición austrohúngara al Polu Norte. La princesa Adelaida ye ascendiente direuta de la reina Sofía d'España.

• Wikimedia Commons acueye conteníu multimedia sobre Adelaida de Hohenlohe-Langenburg.
• Esta obra remanez de la traducción de Princess Adelheid of Hohenlohe-Langenburg de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.