Épsilon Herculis
Épsilon Herculis (ε Her / 58 Herculis / HD 153808)[8] ye una estrella na constelación d'Hércules de magnitú aparente +3,91. Alcuéntrase a 163 años lluz de distancia del Sistema Solar.
17h 0m 17.373s, 30° 55′ 35.055″
Catalogada como una estrella blanca de tipu espectral A0V, Épsilon Herculis ye una binaria espectroscópica —una estrella binaria que les sos componentes nun pueden ser resueltes ópticamente— con un periodu orbital de 4,0235 díes.El sistema foi clasificáu como A0 + A2. Sicasí, mientres la temperatura de la componente primaria, 10.435 K, ye normal pa la so clase, la temperatura de la secundaria, 10.200 K, ye demasiáu alta pa una estrella A2. Probablemente les dos estrelles sían práuticamente iguales, caúna d'elles con una masa de 2,5 mases solares. D'alcuerdu a estes mases y al periodu orbital reparáu, la separación ente los dos componentes ye de namái 0,085 UA —un 20% de la distancia esistente ente Mercuriu y el Sol—, siendo la órbita práuticamente circular.La so lluminosidá conxunta ye 72 vegaes mayor que la lluminosidá solar.[9]
Según dellos autores, Épsilon Herculis ye una estrella Lambda Bootis; esta clase d'estrelles, que la so naturaleza nun ye bien conocida, amuesa una falta d'elementos pesaos cola clara esceición de carbonu, nitróxenu, oxíxenu y azufre.
Referencies
17h 0m 17.373s, 30° 55′ 35.055″
Datos: Q3055860
