Westward the Women

Westward the Women
Títol	Westward the Women
Póster d'a cinta.
Ficha tecnica
Dirección	William A. Wellman
Dirección artistica	Daniel B. Cathcart Cedric Gibbons
Producción	Dore Schary
Guión adaptau	Charles Schnee
Basau en	una historia de Frank Capra
Musica	Jeff Alexander
Soniu	Douglas Shearer Conrad Kahn
Fotografía	William C. Mellor
Montache	James E. Newcom
Escenografía	Ralph S. Hurst Edwin B. Willis
Vestuario	Walter Plunkett
Maquillache	John Truwe
Actors	Robert Taylor Denise Darcel John McIntire Hope Emerson Julie Bishop Lenore Lonergan Henry Nakamura Marilyn Erskine Beverly Dennis Renata Vanni Pat Conway
Color	Blanco y negro
Datos y cifras
País(es)	Estaus Unius
Anyo	1951
Debantadera	16 d'aviento de 1951 Londres (Reino Uniu)[1] 31 d'aviento de 1951 Estaus Unius)[1]
Chenero(s)	Cine de western Cine de drama Cine d'aventuras
Durada	118 min.
Idioma(s)	Anglés Francés Chaponés Italiano
Companyías
Productora(s)	Metro-Goldwyn-Mayer
Distribución	Metro-Goldwyn-Mayer
Presupuesto	2.203.000 dólars
Recauto	3.996.000 dólars
Informacions en bases de datos especializadas:

Westward the Women (títol orichinal en anglés, en aragonés Mullers enta l'ueste, enguerada en Aragón con o títol en castellano de Caravana de mujeres, en aragonés Caravana de mullers) ye una cinta de cine estasunidense de l'anyo 1951 de cine de western dramatico d'aventuras dirichida por William A. Wellman seguntes un guión adaptau por Charles Schnee (basau en una historia de Frank Capra), con una banda sonora orichinal de Jeff Alexander, una dirección de fotografía de William C. Mellor y una producción cinematografica de Dore Schary ta la productora cinematografica Metro-Goldwyn-Mayer. Conta con un elenco d'o cual en fan parte, entre d'atros, os actors Robert Taylor, Denise Darcel, John McIntire, Hope Emerson, Julie Bishop, Lenore Lonergan, Henry Nakamura, Marilyn Erskine, Beverly Dennis, Renata Vanni y Pat Conway..

Roy Whitman poseye un rancho en 1851 en a val de Whitman en California, pero los suyos treballadorz y toz os que viven en a redolada son hombres, porque no bi ha ni una sola muller. Veyendo que s'amenistan mullers ta estabilizar a los habitants en o lugar, decide marchar a buscar-las, pero lo que busca son mullers que viengan a fer vodas y no pas aventureras. Acompanyau por Buck Wyatt , un destacau conductor de caravanas, marcha enta Chicago, a on convoca a las mullers que puedan estar intresadas en a suya oferta. En totak, 138 mullers marcharán en o viache, encara que Buck lis advierte que una de cada tres morirá mientres o viache, y cadaguna d'ellas eliche a lo suyo futiro mariu d'un conchunto de fotografías d'os candidatos. Posteriorment tamién acceptan a dos atras mesachas que treballaban dica l'inte en un "saloon", puyando asinas o total dica las 140 mullers. A primera parte d'o viache ye fácil,dica plegar en Saint Louis en (Missouri, a on asperan os hombres que han de colaborar en o viache, que se fará por l'antiga rota de California. Encara que los hombres y las mullers han quedau advertius d'evitar relacions entre éls, bien luego prencipian os problemas, morindo dos d'os hombres y fuyindo los atros con bellas d'as mullers. Buck ye partidario de tornar, pero las mullers deciden continar o viache, afrontando los problemas d'o viache sin mas hombres que Roy, Buck y un cocinero chaponés Ito Yoshisuke Takeyoshi Gennosuke Kentaro, amás d'un nino clamau Tony Moroni que viacha con su mai.

A cinta s'ambienta en l'anyo 1851 en as ciudaz de Chicago (Illinois) y Saint Louis ((Missouri) y en a rota de California a traviés d'Idaho, Utah y Nevada dica plegar en California, y las suyas escenas se filmoron en Kanab, Paria y atros puestos en Utah, en o desierto Mohave, Los Angeles y atros puestos en California y en Tucson en Arizona.^[2]

A emisión d'ista conta por Televisión Española fació que en a villa de Plan, en o Sobrarbe, naixese la idea de fer una "caravana de mullers" enta la localidat en haber-ie muitos hombres solteros u tions, en una iniciativa que atrayó enta lo lugar a muitas mullers y que resultó en a celebración de cuantas vodas en o lugar.^[3]