Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A sección de fútbol estió una d'as seccions d'a Unión Deportiva Huesca, entidat poliesportiva aragonesa d'a ciudat de Uesca. Establito en 1940, desaparixe en 1956. A sección de fútbol estió a mas conoixita y a que mas logros consiguió d'o club.
Principió a chugar en as categorías aragonesas, y en o temporada 1943/44 debutó en a Tercera División. En a temporada 1945/46, a U. D. Huesca dixó de chugar en o campo de Villa Isabel tresladando-se ta o nuevo de San Jorge, con una cabida ta 2.000 personas. En a temporada 1947/48, a Unión Deportiva ganó o suyo grupo d'a Tercera División chugando a fase d'ascenso ta la Segunda División, pero a la fin, no aconsiguió l'ascenso. Finalment ascendió ta la segunda división en a temporada 1949/50 an que i continó por tres anyadas. En a suya primera partecipación (temporada 1950/51) o club obtenió a millor clasificación d'a historia de toz os clubs de Uesca, rematando a liga en 5eno puesto, nomás a 3 puntos de poder chugar a liguilla d'ascenso ta la Primera División. Entre 1953 y 1956, a U. D. Huesca tornó a chugar en a tercera división, anque estió amanato a tornar a puyar de categoría, pero a la fin o club se disolvió en 1956.[1] Cuatre anyadas dimpués se funda la Sociedad Deportiva Huesca.
Sección de baloncesto
A Unión Deportiva tamién tenió atras seccions como a de baloncesto que principio a suya actividat mientres os anyos cuaranta.[2]
