Thomas Jefferson

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un politico estausunidense; ta atros usos se veiga Thomas Jefferson (desambigación).

Thomas Jefferson
Thomas Jefferson, en un cuadro de Rembrandt Peale (1800)
3er President d'os Estaus Unius
4 de marzo de 1801 – 4 de marzo de 1809
Lugartenient	Aaron Burr George Clinton
Precediu por	John Adams
Succediu por	James Madison
2º Vicepresident d'os Estaus Unius
4 de marzo de 1797 – 4 de marzo de 1801
President	John Adams
Precediu por	John Adams
Succediu por	Aaron Burr
1er Secretario d'Estato d'os Estaus Unius
22 de marzo de 1790 – 31 d'aviento de 1793
President	George Washington
Precediu por	John Jay (de facto)
Succediu por	Edmund Randolph
Gubernador de Virchinia
1 de chunio de 1779 – 3 de chunio de 1781
Precediu por	Patrick Henry
Succediu por	William Fleming
Naiximiento	13 d'abril de 1743 Shadwell (Colonia de Virchinia, Reino Uniu; hue Virchinia, Estaus Unius)
Muerte	4 de chulio de 1826 Charlottesville (Virchinia, Estaus Unius)
Partiu	Democrata-Republicano
Conchuche	Martha Wayles Skelton
Fillos	Martha Washington Jefferson, Jane Randolph Jefferson, Mary Wayles Jefferson, Lucy Elizabeth Jefferson I, Lucy Elizabeth Jefferson II.
Profesión	avogau, plantador y mayestro
Alma Máter	College of William & Mary
Relichión	Ilesia baptista
Sinyal

Thomas Jefferson, naixito de Shadwell (Colonia de Virchinia, Reino Uniu; hue Virchinia, Estaus Unius) o 13 d'abril de 1743 y muerto en Charlottesville (Virchinia, Estaus Unius) o 4 de chulio de 1826, estió un destacato politico y avogau estausunidense, que destacó por o suyo papel politico en a Guerra d'Independencia d'os Estaus Unius, estando o principal autor d'a Declaración d'Independencia d'os Estaus Unius. En 1779-1781 estió Gubernador de Virchinia. Amás d'estar o primer Secretario d'Estato d'os Estaus Unius en 1790-1793 mientres a presidencia de George Washington, estió o 2º Vicepresident d'os Estaus Unius mientres a presidencia de John Adams en 1797-1801, plegando o 4 de marzo de 1801 y dica 1809 a estar o 3^er President d'os Estaus Unius.

Ye considerau en Estaus Unius como un d'os millors presidents d'o suyo país. A suya eminencia la aconsigue prencipalment per estar o prencipal autor d'a Declaración d'Independencia d'os Estaus Unius. Estió un d'os pais fundadors mas influyents, conoixiu per la suya promoción d'os ideyals d'o republicanismo en os Estaus Unius.

Dende un punto de vista actual cal destacar como actuacions negativas a suya belicherancia con os indigenas americans a os cuals feba fuera d'as suyas tierras bien per medio d'a compra d'os suyos territorios u a suya expulsión. As primeras actuacions estioron en l'anyo 1776 cuan se fació fuera mas a lo este d'o Misisipi a os Cherokee y os Shawnee d'os suyos territorios orichinarios. Posteriorment continó aplicando as suyas ideyas fendo fuera u mercando tierras pa dimpués desaloixar a os nativos americans d'ellas. Ya cuan estió president intentó la aprovacion d'una lei pa o treslado forzoso d'os indios, pero no estió dica pros anyos mas tarde cuan Andrew Jackson aconsiguió aprovar a Indian Removal Act, per medio d'a cuala se legalizaban as suyas ideyas y actuacions.^[1]