The Lord of the Rings: The Two Towers
![]() | Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
The Lord of the Rings: The Two Towers | |
---|---|
Títol | O Sinyor d'os Aniellos: As Dos Torres |
![]() | |
Ficha tecnica | |
Dirección | Peter Jackson |
Producción | Peter Jackson Barrie M. Osborne Fran Walsh |
Guión | Peter Jackson Fran Walsh Philippa Boyens (basato en O Sinyor d'os Aniellos de J.R.R. Tolkien) |
Musica | Howard Shore |
Soniu | Christopher Boyes Michael Semanick Hammond Peek Hammond Peek |
Fotografía | Andrew Lesnie |
Montache | Michael J. Horton Jabez Olssen |
Escenografía | Grant major Dan Hennah Alan Lee John Howe |
Vestuario | Ngila Dickson Richard Taylor |
Maquillache | Peter Owen Richard Taylor |
Efectos especials | Jim Rygiel Joe Letteri Randall William Cook Alex Funke |
Actors | Elijah Wood Ian McKellen Viggo Mortensen Liv Tyler Sean Astin Christopher Lee Bernard Hill Andy Serkis |
Datos y cifras | |
País(es) | Estaus Unius |
Anyo | 2002 |
Chenero(s) | Cine d'aventuras Cine de fantasía |
Durada | 172 min. |
Idioma(s) | Anglés |
Companyías | |
Productora(s) | New Line Cinema |
Distribución | Warner Bros. |
Presupuesto | 94.000.000 de dólars |
Succesión de cintas | |
Precedida por | The Lord of the Rings: The Fellowship of the Ring |
Succedida por | The Lord of the Rings: The Return of the King |
Informacions en bases de datos especializadas: | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
The Lord of the Rings: The Two Towers (en aragonés O Sinyor d'os Aniellos - As Dos Torres), ye una cinta de cine de drama estausunidense de l'anyo 2002, dirichita por Peter Jackson seguntes un guión d'él mismo, Fran Walsh y Philippa Boyens (basato en O Sinyor d'os Aniellos de J.R.R. Tolkien) con una banda sonora orichinal de Howard Shore, una dirección de fotografía de Andrew Lesnie y un producción de Peter Jackson, Barrie M. Osborne y Fran Walsh ta New Line Cinema, con una durada de 172 minutos, que estió un important exito cinematografico. Entre atros actors, partecipan en a cinta Elijah Wood, Ian McKellen, Viggo Mortensen, Liv Tyler, Sean Astin, Christopher Lee, Bernard Hill y Andy Serkis; a cinta recibió dos premios.
Ye continación de The Lord of the Rings: The Fellowship of the Ring y tien continación en a cinta The Lord of the Rings: The Return of the King.
Reparto
- Elijah Wood en o papel de Frodo Baggins.
- Ian McKellen en o papel de Gandalf.
- Viggo Mortensen en o papel de Aragorn.
- Liv Tyler en o papel de Arwen.
- Sean Astin en o papel de Samvise Gamgee.
- Christopher Lee en o papel de Saruman.
- Bernard Hill en o papel de Théoden.
- Andy Serkis en o papel de Gollum.
- Orlando Bloom en o papel de Legolas.
- John Rhys-Davies en o papel de Gimli.
- Billy Boyd en o papel de Peregrino Tuc.
- Dominic Monaghan en o papel de Meriadoc Brandibuck.
- Miranda Otto en o papel de Éowyn.
- David Wenham en o papel de Faramir.
- Brad Dourif en o papel de Gríma Wormtongue.
- Karl Urban en o papel de Éomer.
- Hugo Weaving en o papel de Elrond.
- Cate Blanchett en o papel de Galadriel.
- Sean Bean en o papel de Boromir.
- Sala Baker en o papel de Sauron.
Argumento
Dimpués d'internar-se en Emyn Muil, Frodo Baggins y Sam Gamyi se troban con a creatura Gollum, que fa un poder pa sacar-les l'Aniello per a fuerza pero, en veyer-se venciu, promete a los hobbits guiar-los dica Mordor. Dimpués de quitar-los d'Emyn Muil y travesar a Paúl d'os Muertos, plegan a Morannon, a Puerta Negra de Mordor. Manimenos, a gran protección que tien les imposibilita dentrar per astí y Gollum les proposa prener o camín secreto de Cirith Ungol. Mientres o viache, se troban con una tropa abanzada de montesins de Gondor enfilada per Faramir, fillo d'o senescal de Gondor y chirmán de Boromir, qui os prene como prisioners y descubre que portian l'Aniello Unico. Faramir conta a los hobbits que Boromir ha muerto y que estió trobau en una barca elfica. Isto fa pensar a Frodo, pus creyeba que Boromir nomás quereba l'Aniello, y per o suyo chirmán descubre que murió protechendo a la Companyía, tal y como heban churau toz os suyos miembros en salir de Rivendell. Faramir decidió levar-los debant d'o suyo pai, pero, a lo suyo paso per l'esmolinada ciudat d'Osgiliath, os soldaus gondorians se troban combatindo a las fuerzas de Sauron conducidas per cualques Nazgûl. En dar-se conta d'o maligno poder de l'Aniello que portia Frodo, a qui cuasi captura uno d'os Nazgûl, Faramir decide liberar-los pa que completen a suya misión.
Entremistanto, os uruk-hai que levan prisioners a Merry y Pippin son acotolaus per os chinets de Rohan exiliaus y os hobbits aconsiguen fuyir d'a batalla, internando-se en a selva de Fangorn. Aragorn, Legolas y Gimli, que heban iu dimpués d'éls, se troban con as restas d'a batalla y siguen as pisadas d'os suyos amigos dica l'interior d'a selva. En ella se retroban con Gandalf, a qui creyeban muerto dimpués d'a suya caita per o puent de Moria, y una vegada les informa de que ha deixau a Merry y Pippin en buenas mans, s'endrezan chuntos enta Edoras, capital de Rohan, pa charrar con o rei Théoden. Manimenos, iste se troba enchizau per Saruman gracias a l'aduya d'o consellero d'o rei, Gríma, que treballa en secreto pa lo mago. Baixo lo suyo influixo, desterró a lo suyo sobrino Éomer dimpués d'a muerte de Théodred, o suyo fillo y hereu a la cadiera reyal. Gandalf aconsigue liberar-le y Théoden decide refuchiar a lo suyo pueblo en a fortaleza d'a Foz d'Helm con a finalidat de no ir por as pinganetas a un conflicto ubierto con Isengard en Edoras.
Saruman ninvia a un exercito chigant d'uruk-hai pa destruyir a Foz d'Helm, mientres Gandalf va en busca d'os rohirrim exiliaus pa a batalla. L'elfo Haldir, d'a selva de Lothlórien, acude con un chiquet exercito de galadhrim en aduya de Rohan y chuntos aconsiguen resistir dica a plegada de Gandalf, Éomer y numbrosos rohirrim, que redotan a los uruks.
Entremistanto, Pippin y Merry, que heban estau confiaus per Gandalf a l'ent Fangorn, acuden de conchunta con él a un concilio entre cuantos miembros d'a suya raza an decidiran qué fer respective a la guerra. Dimpués de largo tiempo dialogando, deciden que no ye afer suyo. Manimenos, cuan Fangorn leva a los hobbits difuera d'a selva, descubre que Saruman ha picau muitos arbols y con o suyo chilo atraye de nuevo a toz os ents, que marchan enta Isengard y a destruyen.
Dimpués d'istas victorias, Gandalf y a resta creyen que ha plegau la hora de librar a batalla zaguera, que se decidirá en Gondor y an toz chugarán as suyoas zagueras cartas per o futuro d'a Tierra Meya.
Premios
Premios Oscar
Premio | Persona | |
Premiato: | ||
Millor Edición de Sonito | Ethan Van der Ryn Mike Hopkins | |
Millors Efectos Visuals | Jim Rygiel Joe Letteri Randall William Cook Alex Funke | |
Nominato: | ||
Millor Cinta | Peter Jackson Barrie M. Osborne Fran Walsh | |
Disenyo de producción | Grant major Dan Hennah Alan Lee John Howe | |
Millor Montache | Michael Morton | |
Millor Sonito | Christopher Boyes Michael Semanick Hammond Peek Michael Semanick |
Se veiga tamién
- Cine en 2002.
- Cintas de 2002.