The Green Berets (cinta)

Iste ye un articlo sobre una cinta estausunidense de cine belico; ta atros usos, se veiga The Green Berets.

The Green Berets
Títol	The Green Berets
Póster d'a cinta.
Ficha tecnica
Dirección	John Wayne Ray Kellogg
Aduyant de dirección	Joe Cramer
Dirección artistica	Red Turner
Producción	Michael Wayne
Guión adaptau	James Lee Barrett
Basau en	The Green Berets, novela de Robin Moore (1965)
Musica	Miklós Rózsa
Soniu	Stanley Jones
Fotografía	Winton C. Hoch
Montache	Otho Lovering
Escenografía	Ray Moyer
Vestuario	Jerry Alpert
Maquillache	Dave Grayson
Efectos especials	Sass Bedig
Actors	John Wayne David Janssen Jim Hutton Aldo Ray Raymond St. Jacques Bruce Cabot Patrick Wayne Luke Askew George Takei
Color	Technicolor
Datos y cifras
País(es)	Estaus Unius
Anyo	1968
Debantadera	4 de chunio de 1968 Atlanta (Cheorchia, Estaus Unius)
	19 de chunio de 1968 Nueva York (Nueva York, Estaus Unius)
Chenero(s)	Cine belico
Durada	142 min.
Idioma(s)	Anglés Vietnamita
Companyías
Productora(s)	Batjac Productions
Distribución	Warner Bros.-Seven Arts
Presupuesto	7 millons de dólars
Recauto	32 millons de dólars
Informacions en bases de datos especializadas:

The Green Berets (títol orichinal en anglés, en aragonés Os boinas verdas, enguerada en Aragón con o títol traduciu enta lo castellano como Los boinas verdes) ye una cinta de cine estausunidense de cine belico dirichida por John Wayne y Ray Kellogg seguntes un guión adaptau por James Lee Barrett basau en a novela The Green Berets, publicada por Robin Moore en 1965, con una banda sonora orichinal de Miklós Rózsa, una dirección de fotografía de Winton C. Hoch y una producción cinematografica de Michael Wayne ta la productora cinematografica Batjac Productions. Conta con un elenco d'actors formau por John Wayne, David Janssen, Jim Hutton, Aldo Ray, Raymond St. Jacques, Bruce Cabot, Patrick Wayne, Luke Askew y George Takei.

A cinta se centra en l'actividat d'una unidat d'as United States Army Special Forces (conoixidas popularment como green berets u boinas verdas) dende lo suyo recrutamiento por o coronel Mike Kirby dica las suyas batallas en Vietnam mientres a guerra de Vietnam en l'anyo 1965, en as primeras etapas d'a intervención estausunidense en a guera, encara que la visión d'a cinta ye propia d'un momento delicau, cuan en os Estaus Unius la participación en a guerra ya no yera popular y veniba d'escayecer-se la ofensiva d'o Tet, y la intención d'a cinta ye clarament de propaganda politica a favor d'a participación estausunidense en a guerra. A cinta s'ambienta en Fort Benning en Cheorchia y en Vietnam y se rodó casi integrament en Fort Benning (bels elementos d'a escenografía se dixoron ta que los fesen servir ta lo suyo entrenamiento as unidaz militars), con belas escenas filmadas en Alabama y California.