Tarzan and the Lost Safari

Tarzan and the Lost Safari
Títol	Tarzan and the Lost Safari
Póster d'a cinta.
Ficha tecnica
Dirección	Bruce Humberstone
Aduyant de dirección	Fred Slark
Dirección artistica	Geoffrey Drake
Producción	John Croydon Sol Lesser
Disenyo de producción	Paul Sheriff
Guión orichinal	Montgomery Pittman Lillie Hayward
Basau en	personaches creyaus por Edgar Rice Burroughs
Musica	Clifton Parker
Fotografía	C. M. Pennington-Richards
Montache	Bill Lewthwaite
Maquillache	Bob Clark
Peluquería	A.G. Scott
Efectos especials	George Blackwell Tom Howard Judy Jordan
Actors	Gordon Scott Robert Beatty Yolande Donlan Betta St. John Wilfrid Hyde-White George Coulouris Peter Arne Orlando Martins
Color	Eastmancolor
Datos y cifras
País(es)	Estaus Unius
Anyo	1957
Debantadera	12 d'abril de 1957 Nueva York (Nueva York, Estaus Unius)[1]
Chenero(s)	Cine d'aventuras
Durada	86 min.
Idioma(s)	Anglés
Companyías
Productora(s)	Solar Films Productions
Distribución	Metro-Goldwyn-Mayer
Estudio(s)	Elstree Studios
Informacions en bases de datos especializadas:

Tarzan and the Lost Safari (títol orichinal en anglés, en aragonés Tarzán y lo safari perdiu, enguerada en Aragón con o suyo títol traduciu enta lo castellano como Tarzán y el safari perdido) ye una cinta de cine d'aventuras de cine estausunidense de l'anyo 1957 dirichida por Bruce Humberstone seguntes un guión orichinal de Montgomery Pittman y Lillie Hayward (encara que basau eb os personaches creyaus por Edgar Rice Burroughs), con una banda sonora orichinal de Clifton Parker, una dirección de fotografía de C. M. Pennington-Richards, una producción cinematografica de John Croydon y Sol Lesser ta la productora cinematografica Solar Films Productions y un elenco formau por os actors Gordon Scott, Robert Beatty, Yolande Donlan, Betta St. John, Wilfrid Hyde-White, George Coulouris, Peter Arne y Orlando Martins, en os suyos papels principals.

A cinta, que fa parte d'a serie de cintas protagonizadas por Tarzán (estando la 19^ena cinta de Tarzán y la primera en color, en Eastmancolor) conta cómo un avión s'espatarna en 1956 en a colonia de l'Africa Oriental Britanica (l'actual Kenya) y Tarzán los troba, comprometendo-se a levarlos de tornada en bel lugar civilizau en trescruzando la chungla. Tanimientres, Ogonooro , lo chefe d'os guerreros d'a ciudat ficticia d'Opar, secuestra a una d'as viacheras, Diana Penrod, potque deseyan ufrir en sacrificio a tot o grupo a lo suyo dios, un leyón. Tusker Hawkins, un cazador, colabora con Tarzán ta rescatar a Diana y bien luego manifiesta sentir-se atrayiu por ella, pero Diana lo refusa. D'atra man, Tusker ye secretament aliau d'os guerrers oparians y lo suyo obchectivo ye de vender o grupo ta recibir a cambio una gran fortuna en vori d'elefants. Sindembargo, Tarzán prencipia a sospeitar d'él.

Tarzan and the Lost Safari s'ambienta en l'anyo 1956 en l'antiga Africa Oriental Britanica (actualment Kenya) y las suyas escenas se filmoron en os Elstree Studios en Hertfordshire (Anglaterra), en o rancho Iverson en Los Angeles (California, Estaus Unius) y en os países africans d'a Republica Democratica d'o Congo, Kenya, Tanzania, Uganda y Zambia.^[2]