Plegadis falcinellus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Plegadis falcinellus
Una dalleta negra (Plegadis falcinellus).
Denominacions populars
dalleta negra [1]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Pelecaniformes
Familia:	Threskiornithidae
Chenero:	Plegadis
Especie:	P. falcinellus
Descripción
Plegadis falcinellus Linnaeus, 1766
Distribución cheografica
Distribución d'a dalleta negra.

A dalleta negra (Plegadis falcinellus (Linnaeus, 1766)^[2]) ye una especie d'au d'a orden d'os Pelecaniformes y familia Threskiornithidae que se reproduz en puestos dispersos en rechions calidas d'Europa, Asia, Africa, Australia y as rechions de l'Atlantico y lo Caribe d'America. Se creye que s'orichinó en o Viello Mundo y s'extendió naturalment dende Africa dica lo norte d'America d'o Sud en o sieglo XIX, dende an s'extendió a America d'o Norte.

S'alimenta en auguas muit mica fundas y fan niedo en paúls d'augua dulza u salobrenca pretas de vechetación. Tamién se pueden trobar en lacunas, planas aluvials, praus humidos, entibos, estanyos d'auguas residuals, rozals y tierras de cautivo irrigadas.

A suya dieta ye variable seguntes a temporada y depende muito d'o que sía disponible. As presas incluyen insectos adultos y tenyas, musclos (p. eix. caragols), crustazios (p. eix. cangriellos de río) y ocasionalment peixes, anfibios, sargantanas, chicotas sierpes y pollets d'aus.

Mide entre 48 y 66 cm de luengo, con un promeyo de 59,4 cm y una envergadura de 80 a 105 cm. A masa corporal puede oscilar entre 485 y 970 g.