Phylloscopus collybita

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Phylloscopus collybita
Una mosqueta (Phylloscopus collybita).
Denominacions populars
mosqueta [1], chinchiburris, embustero [2]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Passeriformes
Familia:	Phylloscopidae
Chenero:	Phylloscopus
Especie:	P. collybita
Descripción
Phylloscopus collybita Vieillot, 1817
Distribución cheografica
Distribución d'a mosqueta.

A mosqueta (Phylloscopus collybita (Vieillot, 1817)^[3]) ye una especie d'au d'a orden d'os Passeriformes y familia Phylloscopidae que se reproduz en selvas ubiertas en Europa y lo Palearctico.

Ye una au migratoria que pasa d'hibierno en o sud y ueste d'Europa, o sud d'Asia y o norte d'Africa.

A fembra construye un niedo abovidau en o solero u amán d'él, y asume a mayor parti d'a responsabilidat de criar y alimentar a los pollets, mientres que lo masclo participa mica en l'anidación, pero desfiende lo suyo territorio d'os rivals y ataca a los depredadors potencials.

Ye una au insectivora que se mueve inquieta a traviés d'a follarasca. S'ha rechistrau que captura insectos, sobretot moscas, de mas de 50 familias, de conchunta con atros invertebraus de chicota y meyana grandaria. Prendrá os uegos y as tenyas de paixarelas y palometas. S'ha estimau que la mosqueta requiere arredol d'un tercio d'o suyo peso en insectos diariament, y s'alimenta cuasi de contino d'agüerro pa encaramullar graixa extra como combustible pa lo largo vuelo migratorio.

Ista chicota au ye sucheta a la depredación de mamifers, como mixins y mustelidos, y aus, particularment falcons d'o chenero Accipiter.